Ka Sorkar ka la thung ia u Bah Dawhoi Langstang kum u Chairman bathymai ka Meghalaya Public Service Commission (MPSC) ka Jylla bad ka la pyllait noh ia u Bah Bedarius Shylla na katei ka kam.
“Katkum ka jingpynkup bor lyngba ka Clause (1) jong ka Article 316 jong ka riti synshar ka Ri, pule ryngkat bad ka Regulation 4 jongka MPSC Regulations, 1972, kumba la pynkylla, u Lat ka jylla Meghalaya ula pyntip ba la thung ia u Bah Dawhoi Langstang kum u Chairman ka Meghalaya Public Service Commission, Shillong bad kane kan treikam naduh ka sngi ba u shimti ia katei ka kam” la pynpaw ha ka jingpynbna kaba la pynmih ha ka 17 tarik u Iaiong 2025, ba la soi da u Bah C.V.D. Diengdoh, IAS, Commissioner & Secretary ka sorkar Meghalaya uba khmih ia ka tnad Personnel & Administrative Reforms (B).
Ha katei ka samoi treikam u Chairman ka MPSC, un hap ban bud ryntih ia baroh ki kyndon treikam kumba la kdew ha katei ka Regulation. Ha katei ka jingpynbna, la pynpaw ruh ba la pyllait noh naduh mynta hi ia u Bah Bedarius Shylla na ka kam I/C Chairman jong ka MPSC.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda