U Working President ka Khun Hynniewtrep National Awakening Movement (KHNAM) u Bah Thomas Passah, u la dawa ba ka KHADC ka dei ban leit khang mardor ia ki dukan bar jylla ha Them Motor kiba la shu plie be-ain khlem ka trading licence. Ka KHNAM hynne ka sngi ka la iakynduh ia u Executive Member ba khmih ia ka tnad kam khaii ha KHADC ban pynsngew halor ka jingioh plie dukan laitlan ki bar Jylla ha Them Iewmawlong khlem da ioh ia ka trading licence.
Haba kren sha ki lad pathai khubor, u bah Thomas u la ong ba ki dukan bar jylla kiba plie ha Them Iew mawlong kidei ki bym don ia ki trading licence. “ Ngi dawa na ka KHADC ban leit khang mardor ia kitei ki dukan namar ka long pyrshah ia ka Trading By Non Tribal Act 1954”, ong u nongialam ka KHNAM.
U bah Thomas ula pynpaw ruh ka jingsngewsih ba ia ka ain licence khaii sha ki bar Jylla, ka Trading By Non Tribal Act, 1954 la pyndonkam tang ban ioh kamai pisa ka KHADC. Ha kajuh ka por, ula ong ba ka seng ka kwah ba ka KHADC kan pynbha ia ka kane ka ain licence Khaii.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC