Ka jingther slap bajur hynnin ka miet ka la pynjulor bun ki jingdon jingem, ki jingri bad mar rep ha kylleng ka jylla Meghalaya,Ka khubor ka iathuh kawei ka mynsiem briew ka la duh ei ka jingim ba kordor na thain Mawhati na ka jingtwa khyndew bad na ka liang u MLA ka thain u Bah Cherles Marngar ula leit jngoh mardor ia katei ka longiing ban ai jingiarap bad kiwei ki shem lanot na ka jingther u slap.Kiwei pat jaka ba shah ktah ha Ri Bhoi District ki kynthup ia ka Nongpoh, Umling bad Umdoh bad kiwei jaka.
La iathuh ha shnong Umdoh ki don kumba saw tylli ki iing kiba shah ktah na ka jingshlei um bad shah rah ki tiar iing hynrei donbok ba ym don ki briew ba mynsaw. La lap ka surok Lailad ruh ka la julor ka jingsyllad ka umsaw bun ki jaka ka surok ki la twa Kane ka la jia ha por 5 baje mynstep katba ki dang ioh thiah lyngngai ha ka jingkynoi ka step.
Shuh shuh la iathuh ha ri lum Garo ka thain Mahendragan ka la shah ktah jur na ka jingshlei um bad bun ki iing ki la kylla phetwir ba shah tap ha ka umsaw, ym tang katta bun ki surok ki la julor na ka jingtwa khyndew bad ki jingkieng na ka jingsyllad ka umsaw.Haduh ba thoh ia kane ka khbor ym la ioh jingtip ba thina katno ka jingshah pynjulor ki iing ki sem, ki jingri bad ki lynti syngkien.