“Ki longkpa ki dei ban ialap ryngkat ka jingduwai”

Ka Synjuk ki Seng Rangbah Katholik Shillong Archdiocese ba la long ha Parish Divine Mercy Church Mawryngkneng ha ka 3 bad 4 tarik u Jymmang 2025 ka la kut hynne ka sngi. Ha kaba da ki riewngeit ki poi da ki phew hajar kynthup ki Rangbah bad longkmie ha katei ka lympung ba shisien shisnem. Ha kane ka sngi u Bishop Wilbert Marweiñ ka Nongstoin Diocese u long u kongsan na bynta ka Mass Bakhuid ha jingdonlang u Sohblei Director Andreas Pariat, u Sohblei Prior Khongsit u Parish Priest ka Mawryngkneng Parish bad ki lyngdoh Sohblei baroh. Ka matphang pdeng jong ka jingialumlang ka long,  “Ki Pilgrim jong ka Jingkyrmen” ha kaba U Bishop Wilbert Marweiñ ula ong, ka ktien U Blei ka la jop lyngba ka Diengphna u Khrist ia ka pop bad ia ka jingdum.

U bynrap ki longkpa ba wan dorbar ki dei ban leit ialap khlem jingtieng ryngkat ka jingsngewrit bad  ki jingduwai. Katba hynne ka sngi U Blei U Blei  la pynkut  ia ka lympung  ba 16  ka Synjuk ki Seng Rangbah Katholik da u Bishop Bernard Laloo kum kongsan ban pynlong ia ka Sakrament bad jingkyrkhu. Hadien ka Mass  bakhuid ka Synjuk ki Seng Rangbah Katholik Shillong Archdiocese ha ka jingialam u President Bah Carlus Kharkongor ka la pynkup burom ia u Bishop Wilbert Marweiñ bad ia ki kmie ki kpa kiba la ai ia la ki khun ban long lyngdoh riewniam ia kaba la la sam da u Bishop Wilbert Marweiñ.

Kumjuh ka Synjuk ka la pynkup burom ia u Bah Seibor Warbah uba la jop MDC na Mawkynrew konstituensi bad uba dei u Secretary ka Synjuk Seng Rangbah Katholik Shillong Archdiocese Zone V ha ka jingdonlang u Bah Heaving Stone Kharpran MLA ka Mawryngkneng. Ia ka lama jong ka synjuk la pynhiar da u Bishop Bernard Laloo bad ula pynbna ia ka Dorbar Bah kaba 17 kan long ha Nongpoh Parish ha u snem 2026.