Wat hapdeng ki jingbym thikna namar ki jingjia ha pyrthei baroh kawei kiba ktah ïa ka kam umphniang bad Gas, ki kompeni kiba pyniaid umphniang ka Indian Oil, BPCL bad HPCL ki dang ïai bteng ban pynthikna ïa ka jingdon ka Petrol (MS), ka diesel (HSD) bad ka Liquefied Petroleum Gas (LPG) khlem jingthut ha kylleng ka jylla Meghalaya.
Ki kompeni die umphniang ki long la khreh ban pynbiang umphniang khlem jingeh lyngba ki rynsan ba iar ki terminal, ki jaka buh umphniang, ki jaka buh LPG bad ki jaka die khutia ha kylleng ka Jylla. Ka kam sam umphniang ka dang iaid beit ha baroh ki jaka die khutia pynbiang katkum ki kyndon ba la buh.
Ka jingdon ki mar ba shna da ka umphniang bad ka jingpynbiang la leh man ka por ban pyndap ki jingdonkam ki briew. Ka jingsam LPG sha ki briew hapoh ka ri ruh ka iaid beit ha baroh ka jylla.
Ki Kompeni pyniaid umphniang ki iatreilang ban pynpoi mar bad ka jingthmu ban sam khnang ban pynthikna ia ka jingioh bording khlem jingthut na ka bynta ki nongshong shnong.
La kyntu ki nongshong shnong ba kim dei ban khuslai ne thied kyrkieh khlem da donkam bad ki dei ban shaniah ha ki jingpyntip ki Kompeni Die Umphniang.
You may also like
-
Kawang Petrol Bom ki runar ia ka ophis DMR, julor ka kali, hiar jurip u MR bad CS
-
Ngin rung BJP na bynta ka bha ka miat ki paidbah
-
Kyntait ki nongkyrshan NPP ia u Nelbi T Sangma kum u kyrtong, kynnoh ba leh ‘politik’ ki nongialam
-
17 tarik Risaw ka sngi khadduh ban pynrung kyrteng Electoral Roll, lah ban duh thep vote ki hajar ngut
-
Kiew kiba ioh pang AIDS ha Meghalaya kynthup 60 ngut ki longkmie armet