Pynmih ka Airbnb ia ka rynsan kaba la nang pyniar ban pynsuk ia ka rukom ban leit jingleit da ka jingwanrah ia ki jingshakri ba thymmai

 Ka Airbnb ka la pynbna ia ka jingpyniar ia ka rynsan kaba khmih ia ka leit ka wan ha pyrthei da kaba buh sa ki kali ai wai, ka jingpynpoi ia ki mar bam, ka jingleit shaw na ki kad liengsuin, ka jingpynbuh ia ki tiar ki tar bad ki synduk, ki hotel ba itynnad bad ka jingioh ban peit ia ka lympung ialehkai FIFA World Cup 2026 kum shi bynta jong ka jingtreikam ha kane ka aiom lyiur 2026.  Ka kompany ka ong ba ia kine ki jingpynmih kiba thymmai la saindur ban wanrah ka jingtyrwa sha ki nongleit jingleit ia kaei kaei kaba ki lah ban pyniasoh bad kaba pynsuk ia ka rukom leit jingleit jong ki kham palat shuh ban ia ka booking ne jingbat ia ki jaka sah. Uwei na ki nongseng ia ka Airbnb bad uba long ruh u CEO U Brian Chesky u la ong ba ka jingthmu jong ka kompany ka long ban pynlong ia ka rukom leit jingleit kaba kham don jingmut lyngba ka jingpynwanrah ia ka rukom sah, ka jingiohmad ia kiei kiei kiba dei jong kato ka shnong bad ki jingshakri na ka bynta ka leit ka wan jong ki briew. 

Hapoh jong kane ka jingtreikam, ki nongpyndonkam ki lah ban ioh ia ki marbam lyngba ka Instacart ha ki katto katne ki nongbah ba la jied jong ka US, ka jingleit shaw na ki kad liengsuin ha palat 160 tylli ki nongbah, bad ka jingbuh ia ki synduk bad ki tiar ki tar lyngba ka Bounce kaba treikam ha baroh ki 175 tylli ki sor ha kylleng ka pyrthei. Ka Airbnb kan wanrah ruh ia ki kali ba lah ban shimwai ha ka app jong ka ha kane ka lyiur, ryngkat bad ka jingpyni ia ki jingthoh halor ka jingsngew jong ki nongsah ba la leh da ka AI, ka jinglah ban pynianujor ia ki jingleit bad ka jingiasam ia ki jingtip kiba iadei bad ki jingpynbeit ia ki jingleit.  Kane ka rynsan ka la nang kham pyniar shuh shuh ia ki lad ban mad ia ki jingshakri ka Airbnb da kaba wanrah shuh shuh sa 3,000 tylli ki jaka leit kai, palat 2,500 jait prokram kiba iadei bad ka bam bad ban ioh mad ia ki bynta bapher bapher kiba la pyniahap bad ka lympung ialehkai phutbol World Cup ha kaba yn don ki khlur ialehkai phutbol kata u Abby Wambach bad U Javier Mascherano. Da ki hajar tylli ki jaka ba itynnad bad ki hotel shimet ha ki ri kum ka Paris, Madrid bad Singapore ia kiba la nang pynrung ha kane ka rynsan. 

Ha Shillong, kane ka jingpyniar ka lah ban nang pynshlur ban pyndonkam ia ki digital haba leit jingleit khamtam hapdeng ki nongleit jingleit kiba dang samla bad nongleit kiba leit jinglut bad pynlut bun ha ka jingleit jong ki kiba a ka thain shatei lam mihngi. Ki nongbishar kiba na kane ka karkhana ki la kdew ba ka jingbuh ia ki bynta kiba iarap ban thaw ia ka plan ia kaba la pyniaid da ka AI, ki jingioh ban mad ia kiei kiei kiba la pynbeit kyrpang bad ki jingtyrwa na ki hotel ba itynnad ki lah ban nang khring ia ka  jingsngewtynnad ban ioh ia ka rukom leit jingleit shabar ri ha ka rukom kaba biang napdeng ki nongleit jingleit na Shillong.