Rakhe Jubili Ksiar ka Sacred Heart Theological Kolej

Ka Sacred Heart Theological College, Mawlai, Shillong, ka la rakhe ia ka Jubili Ksiar jong ka jingplie ia ka (1976–2026) da ka prokram ba ar sngi ha ka 16 bad 17 tarik Jymmang 2026 hapoh ka phang, “Ki Nongap langbrot ha ka Jingpynlong… La pynwan dur da ka dohnud jong u – ki jingpynpaw jong ka mishon:Ka Mosa.”

Ha kane ka jingrakhe la pyni ia ki drama, ki jingshad, ki jingkren bad ki jingpyni dur da ki Hynmen bad ki Para jong ka Kolej, kiba pynpaw ia ka mishon ban thaw ia ki nongap langbrot hadien ka Dohnud U Jisu.

Ia ka Sngi Nyngkong la pynkyntang sha ki Lyngdoh, ki Riewniambad ki Formees, ha kaba ka Rev. Sr. Mable Dhar VSDB, Mother General jong Visitation Sisters jong Don Bosco kum ka kongsan. Kumba 650 ngut ki lyngdoh, ki riewngeit niam bad ki formae ki la iashim bynt a ha kane ka sngi ban ai khublei bad sngewnguh ia ka jingshakri ba la leh da kito kiba don bynta ha ka jingpynlong lyngdoh bad niam.

Ka sngi kaba ar la pynleit jingmut ha ki samla bad ki nongiatreilang. U Rev. Fr. Edmund Gomes SDB, u Rector barim jong ka College kum u Kongsan. Haduh 600 ngut ki samla ki la ïashim bynta da ka jingkmen ha kane ka jingrakhe, kaba la pynlong kum ka jingpynpaw ba shlur jong ka jingngeit, ka mishon bad ka jingïatylli.

Ka jingrakhe Jubili ka long ban pynthymmai ia ka kular ka jaka pule ban bteng bad thaw ia ki nongap langbrot katkum ka Dohnud U Jisu na ka bynta ka jingshakri ia ka Balang bad ka imlang sahlang.