Kiar ban iaid na surok Shillong-Dawki kam long shngain, ong u DC

Na ka bynta ka jingshngain ki paidbah bad ban lait na ki jingjia ba sngewsih, u Deputy Commissioner & Chairperson (DDMA) East Khasi Hills District, Shillong ula kyntu ia ki nongjngohkai bad ia ki paitbah kiba thmu ban leit sha Dawki ki dei ban kiar ban iaid na ka surok Shillong-Pynursla-Dawki namar kam long kaba shngain bad kin iaid noh na ka surok Shillong-Jowai-Amlarem-Dawki ka surok kaba shngain.

U DC ula kyntu ïa ki nongjngoh kai pyrthei bad ki nongleit nongwan kiba thmu ban leit sha Dawki ba kin kiar ban iaid lyngba ka surok Shillong-Dawki tad haduh ban da pynbna paidbah da kumwei pat, namar ka jingma ba jur na ka jingtwa khyndew, jinghap ki maw bad ka jingkhang surok namar ki kam shna surok kiba dang ïaid shakhmat.

Na ka bynta ka jingshngain la ai jingmut ïa baroh kiba leit sha Dawki ba kin iaid na surok Shillong-Jowai-Amlarem-Dawki, kaba kham shngain ban poi sha Dawki bad sha ki jaka jngohkai ba don Marjan.U DC ula kyntu ïa baroh kiba leit jingleit ban kiar na ka jingleit bym donkam lyngba ka surok Shillong-Pynursla-Dawki bad bud ïa ki jingbthah ki bor synshar shnong bad ki pulit. La kyntu ba ki dei ban peit ïa ka jinglong ka suin bneng bad ka jinglong jingman ki surok shuwa ban leit bad dei ban long husiar haba leit jingleit khamtam ha ki por ba jur slap. Lada don kino kino ki jingjia dei ban pyntip mardor ha u number 112.