U Myntri Rangbah ka Jylla u leit sha Iewduh ban sngap ia ka jingeh ki nong shong iew bad ban ai jingiarap na ki shkim bapher, ym kum kiwei ki Nongialam ba leit sha iew tang ban pan Vote. Ia kane la ong da u Symbud Myntri Rangbah ka Jylla u Bah Sniawbhalang Dhar haba kren ha ka jingialang sam jingiarap ia ki nongdie madan ha Iewduh.
Haba kren ha kane ka sngi u Bah Sniawbhalang ula pynkynmaw ba dang shen u Myntri Rangbah ula wan sha Iewduh wat hapdeng ka jungther u lapbah ban sngap ia ki jingeh ki nongshong iew ki kynduh. “Hadien ka jingwan u Myntri Rangbah ka Jylla u Conrad K Sangma ha Iewduh ki la mih ki jingkynthoh hynrei u Myntri Rangbah um sngap bad mynta hi ula pyllait ia ka song pisa ha ka wat bar ar (Second Phase) ban pynitynnad bad pynbha ia ka Iewduh” la ong u Bah Sniawbhalang.
U Bah Sniawbhalang ula ong, ka Sorkar MDA kam ju kren than kum kiwei ki nongialam hynrei ka leh beit da ka kam ban iarap ia ki paidbah ka Jylla.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam