U Symbud Myntri Rangbah ba peit ia ka Tnad Urban Affairs u Bah Sniawbhalang Dhar ula ong, ka sorkar kan sa pynduna noh ia ka dor bad kan sa khot biang ia ka Expression Of Interest (EOI) ia kino kino ki kynhun ba kwah ban pyniaid ia ka Polo Shopping Mall.
Ula ong ka jingkhot thymmai ia ka EOI ka long hadien kiba khot kham shwa ym shym don mano mano ba thep kaba pynpaw ba ym don kiba kwah ban pyniaid ia kane ka Iew.
U Bah Sniawbhalang ula ong, ia ka Polo Shopping Mall la pyndep kham slem bad la khot ia ka EOI haduh lai sien, hynrei ka pulom bad kam shym la treikam namar lehse ba la heh palat ka dor. Kumta ha kane ka jingkhot EOI thymmai la rai ban pynduna ia ka dor.
U la ong ka jingbhah la pynkylla khnang ba ki briew na jylla kin ioh iashim bynta bad ban plie lad ki kynhun barit kin ioh iashim bynta bad ka jingthmu ban tei ia kane ka Mall ka dei ban plie lad ia ki trai jylla ba kin ioh kam ioh jam.
Halor ka Mall ha Khyndailad u Bah Sniawbhalang ula ong, kane ka Mall la jan dep artad bad la khmih lynti hapoh une u snem ban pyntreikam noh.
You may also like
-
Shah kawang Petrol Bom ar jaka ha Mawbah, ingkhong ka Scooty
-
Ki Khana Shaphang ki Kynthei Nongrep ha jylla ki wan phai sha ki shnong lyngba ki dur bad ki phlim
-
Plie u Lat ia ka jingrakhe dap 100 snem ka Rilbong Sanatan Hindu Dharma Sabha
-
Khlad hashen u nongniah na ka jingtakhuh ki trok
-
Ka Meghalayan Age Pavilion ka rynsan pynisap ki trai jylla ba pyniasoh ka jingbei tyngka bad ki kam shangkai