Pyllait ka Vi Business ia ka Easy+, ka rukom treikam thymmai ha kaba iadei bad ka corporate post-paid plans

Ka Vi Business, kaba long ka shnat treikam jong ka telecom operator kaba paw nam bha ka Vodafone Idea (Vi), ka la pynmih ia ka Easy+, ka sienjam treikam kaba thymmai ha kaba iadei bad ki corporate post-paid plan, ha kaba ka tyrwa sha ki nongpyndonkam ba ki lah ban jied bad thied ia ki jingshakri kum ki International roaming, OTT Subscription bad kiwei kiwei na ka bynta ka jingdonkam ba shimet jong ki ha kaba iadei bad ka corporate plan kaba ki la don lypa. Ia kine ki jingshakri lah ban ioh da kaba download ia ka Vi App.

Kane kadei ka jingtreikam ha ka sien kaba nyngkong eh ban wanrah da kane ka rukom kaba suk ha kaba ki nongtrei ki suk ban thied ia kine ki jingshakri kaba ki lah ban jied hi maki ha kaba iadei bad ka corporate post-paid plans, bad kumta ka nang kham pynbha shuh shuh ia ki jingshakri sha kito kiba pyndonkam. Haba kren shaphang kane ka jingpyllait paidbah, U Roerich Kaushal, Executive Vice President, Enterprise Mobility Business & Marketing, u ong, “Da ka Easy+, ka Vi Business ka la lam khmat ban wanrah ka jingkylla ia ka corporate postpaid plan da kaba ai sha ki nongtrei ia ka rukom kaba suk ban jied bad thied ia ki jingshakri katkum ka jingdonkam ba shimet jong ki.

Ha kane ka aiom shuti ban wan, ngi khmih lynti ba ki nong pyndonkam kin wan sha khmat ba kin pyndonkam ia ka Easy+ na ka bynta ka international roaming packs, bad ki lah ban ia kmen ia ka jingsuk bad jingaram jong kine ki jingtyrwa ha kaba iadei bad ka corporate post-paid plans”. Ki jingtyrwa kiba iadei bad ka Vi Business’s Easy+ ki kynthup ia ka: International Roaming, OTT Subscriptions, Gifting Feature