Pynbna u Bah Manuel ban ym iakhun ilekshon MP

U Secretary ka Meghalaya Pradesh Congress Committee (MPCC) u Bah Manuel Badwar hynne ka sngi, ula pynbna ba um don jingthmu ban iakhun iaka ilekshon MP Lok Sabha shiteng samoi na Shillong Parliamentary Seat. Haba kren shaki lad pathai khubor u Bah Manuel ula ong kala don ka jingpynsaphriang iaki khubor ba udei uwei napdeng ki kyrtong baka Congress ka thmu ban pyniakhun haka ilekshon MP na Shillong Parliamentary Seat.

U Bah Manuel ula iathuh ba haduh mynta ka MPCC kam shong iaka jingialang ban shim ia kano kano ka rai haba iadei bad ka ilekshon MP hynrei kala phah pat iaka thup kyrteng shaka All India Congress Committee (AICC). Ula iathuh ba ka Congress kam pahuh ki briew kiba kwah ban iakhun iaka ilekshon MP bad ma u ruh um kwah ban iakhun namar u dang dei tang u nongialam uba thymmai jong ka Meghalaya Congress.“Nga kwah ban kren shai ba ngam don jingmut ban iakhun iaka ilekshon MP shietng samoi na Shillong Parliamentary Seat” la ong u Bah Manuel.

“Nyngkong eh nga long uba thymmai bha. Ka samoi treikam MP kadei tang 2 snem, kan kham eh ia uno uno u briew uba dang thymmai ban rung sha jylli ka rukom treikam jong ka parliament” ula ong. U Bah Mauel ula ong baka Congress ka sngewdei ban phah da u/ka briew kiba la shemphang haka kam MP bad kiba la tip lypa shaphang ka jylli treikam hapoh ka Parliament.