Ka Hynñiewtrep Youths Council (HYC) hynne ka sngi ka la leit ban phah pyndam ïa ki jingthoh “Cherrapunji” ha ki Signboard ha Surokbah ha jingkieng Umshyrpi.
Haba kren sha ki lad pathai u Bah Gee Mawlong ula ïathuh banyngkong ki la ïoh ka jingujor na ki paidbah ba ka kyrteng ba dei ban thoh ‘Sohra’ hynrei la thoh da ka kyrteng ‘Cherrapunji’ ha katei ka Signboard.
U Bah Gee ula ong ba ïa ka kyrteng ha ka signboard, dei ban thoh kyrteng ‘Sohra’ bad ka seng ka la bthah ïa ki bar Jylla ba ki dei ban pynkylla noh mardor.
Hadien ba leit tuklar ka HYC, la sakhi ba ki bar jylla ki la tar noh ïa katei ka kyrteng ‘Cherrapunji’ bad ki la kular ban sa pynkylla noh ha ka kyrteng ‘Sohra’ ha kine ki khyndiat sngi ban wan.
Kane ka surokbah na jingkieng Umshyrpi, ka dei kaba la shna ter-ter shaduh ban da poi ha ki thin Dawki bad Sohra.
“Ngi sngewdom ban ïohi ba ha kane ka jaka la pyndonkam da ka kyntien nongwei. Naduh ki por kiba mynshuwa ngi ju tip kum ka Sohra hynrei ha ka Signboard pat ki la thoh da ka kyrteng Cherrapunji” la ong u Bah Gee.
U la bthah ruh ïa ka kompani kaba pyntrei bad pynïeng ïa katei ka signboard, ba kidei ban thoh da ka kyrteng ‘Sohra’ kaba dei kab shisha.
You may also like
-
Noh shiliang ka jingsiew Pension ia ki Nonghikai bad Nongtrei skul Deficit
-
Rakhe ka Nongsder SSA LP ia ka jingdap 50 snem, kyntu u Myntri ia ki khynnah ban pynroi ia ki sap
-
Iathuh ka sorkar ia ka Khasaw kum ka dohkha na Jylla
-
Pynkylla ka sorkar ia ka ‘Building Byelaws’ ban pyntreikam ki Project ha sor
-
Thung ka Sorkar ïa u Abhilash Baranwal kum u DC ka EKH, ka Kong RM Kurbah kum ka Commissioner & Secretary Home (Police) bad Tourism