Ki paidbah na kylleng ki jaka jong ka jylla hynne ka sngi ki la iatuid sha ka tamasa Me’gong Festival, 2025 kaba long ha rilum Garo ha Tura. Ia kane ka tamasa la plie paidbah da u Myntri Rangbah ka jylla u Conrad K. Sangma bad ha kane ka sngi sdang ka sorkar ka la khot ia kiba bun ki nongrwai nongput nongtem na ka ri bad nabar ka ri kiba kynthup ia u Richard Marx, ka Neeti Mohan nalor kiwei de. Katba ki nongrwai na ka jylla Meghalaya kiba kynthup ia ka Haystack Ladies, Strum Stories bad Ahaia ruh ki la pynshongshit ia ki paidbah.
Ha kane ka sngi, ka la don ruh ia ka jingpyninam na ki ‘Top 7’ kiba la rung ha ka Final jong ka Chief Minister’s Meghalaya Grassroots Music Project (CM-MGMP) ha kaba ki la ioh ban shimbynta lang ha katei ka rynsan bad ki kynhun nabar ri bad kane ka la ai mynsiem ia kine ki kynhun kiba dang shu sdang kum ka Nictophilia, Magnificent Obsession, Necroscope, Emberfall, Imphaled, Misagathia and Rise & Shine.
Nalor ka put ka tem, kane ka tamasa ka la khring ruh ia ki nongwan kai ban mad ia ka bam ka dih tynrai jong ki paidbah rilum Garo.
You may also like
-
Pynkhreh ki MLA ka UDP ban leit iasoh BJP sha Delhi ha ka jingdonlang ki Myntri sorkar Pdeng
-
Ka jingweng ia ka ‘Nofication’ ka pynpaw ba don jingbakla halor ka SPF, ong ka VPP
-
Shah kem 2 ngut ba tynrah ia u Addl SP Traffic
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong