U Member of Parliament (MP) jong ka Voice of the People’s Party (VPP) u Dr Ricky AJ Syngkon u la dawa na u Myntri ka tnat Ministry of Road Transport and Highways (MoRTH) ka Sorkar Pdeng ban siew bai lutksan ia ki nongrep bad ki trai ba pyniaid ia ki Guest House, Home Stay bad Tour Operator namar ka jingshah ktah ba pyntrei ia ka surok Shillong-Dawki bad Western Bypass. Ia kane u Dr Ricky ula dawa haba kren hapoh ka iing dorbar Lok Sabha halor ka jingkynnoh ka jingpyntrei torti da ka National Highways & Infrastructure Development Corporation Limited (NHIDCL) ia ka surok Shillong-Dawki bad Western Bypass.
Ha ka jingkren u Dr Ricky ula ong, ba ki nongrep bad ki trai ba pyniaid ia ki Guest House, Home Stay bad Tour Operator ki shah ktah jur namar ka jingleh torti kiba pyntrei ia ki 2 tylli ki project surok hapoh Meghalaya. Ula ong ka la don ka jingtheh khyndew, shyiap bad maw ha wah duid bad kane ka la ktah jur ia ki jaka rep bad ia ka kam jngohkai pyrthei khamtam ha ki thain Dawki, kaba dei ka thain ba khring ia ki nongwan shangkai pyrthei na kylleng ka Ri.
“Nga kyrpad ia u Myntri ba dei khmih ban shimkhia ban siew ka bai lutksan ia ki nongrep, ki trai jaka bad ki trai ba pyniaid ia ki Guest House, Home Stay bad Tour Operator kiba shah ktah na ka jing pyntrei ia ka surok Shillong-Dawki bad Western Bypass” la ong u Dr Ricky. U MP ula ban jur ruh ba donkam ban shim ki lad ba tyngeh pyrshah ia ki Contractor kiba leh torti ban pyntrei ia ki 2 tylli ki Project surok hapoh Meghalaya.
You may also like
-
Kumno ka L-Carnitine bad Green Tea ka iarap ban pynum ia ka khlein da kaba dih ia ka man la ka sngi
-
T.5 lak shisnem na MHIS, T.2 lak na CM Care ka bai sumar ia kiba pang Bampong
-
Pulom ka jingthmu pynkylla ain jied Waheh shnong ha Sohmynting ka JHADC
-
Phah jingthoh ka GTF sha ka DC ban khang klong shyiap ha Wah Kynshi
-
Shem jingeh ka jylla ban pyniaid shakhmat ka jingpule halor ka AI”