Ki paidbah na Meghalaya bad Assam ki la pynlong ka jingialang paidbah hynnin ka sngi Saitjain ha madan Ukyiam ME Skul ban pyrshah ia ka jingthmu ka sorkar Assam ban dam ia ka Wah Kulsi ban tei ka Kulhsi Power Project ba pynmih bording ilektrik 55 KW bad kumjuh ban ai um ia ki jaka rep.
Ha ka jingialang la don ki nongialam sengbhalang na Assam kynthup u President ka All India Pishok Sabha u Gijon Gogoi bad kiwei bad na Meghalaya ka Kong Threstar Syiem na shnong Kyrshai ka nongialam barim ka KSU kynthup ki Advocate na Guwahati High Court bad kiwei ki riew pawkhmat.Ha kane ka jingialang ki la rai ban pyrshah jur ia ka jingthmu ka sorkar Assam ba dam ia ka wah Kulsi, namar lada ka sorkar Assam kan dam ia katei ka wah, shaei ki nongshong shnong ka thain kin leit sah ka long jimgma kaba khraw ia ki paidbah.
La iathuh lada ka sorkar kan dam ia katei ka wah kan ktah palat 40 tylli ki shnong kynthup na Assam bad Meghalaya, bad ki nongshong shnong kin duh lut ki iing ki sem bad ki jaka rep jong ki. Kumban pynpaw ka jingthmu ka sorkar Assam ban tei ka Power Project ha jaka ba iakynduh ka Wah Khri na Ri Bhoi bad ka wah Khrisynnia na West Khasi Hills ha khappud jong ka Meghalaya-Assam bad ki paidbah ki la pynpaw ka jingpyrshah ia ka jingthmu ka sorkar Assam naduh mynshwa.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam