U hynmen jong u Raja Raghuvanshi uba shah pyniap ha Wei Sawdong u la poi ha nongbah Shillong ban pyrshah ia ka jingthmu pan jamin ki nong shah kynnoh pyniap ia u Raja.
U Vipin Raghuvanshi u la iathuh ba ka jingwan jong u sha Shillong kadei ban shim iaka Death Certificate jong u (Late)!Raja Raghuvanshi.
Haba kren sha ki lad pathai khubor u Vipin u la ong ba kwah ruh u bishar bniah ia ka kaiphod (Death Certificate) jong u (Late) Raja Raghuvanshi khnang ban sngewthuh kham bha ia ki jingjia kiba ialam shaka jingshah pyniap.
U Vipin u la pyntip ruh ba haki sngi ban wan un leit mudui ha Meghalaya High Court ban pynpaw ka jingpyrshah, lada ki nongshah kynnoh pyniap ia u (Late) Raja Raghuvanshi ki pan jamin naka Iingbishar.
Nalor kane u Vipin ula pynpaw ïa ka jingsngewsih kaba jur halor ka jingioh jamin ki lai ngut kata u Lokendra Tomar, u Balbir bad u Shilom James kiba shah kem hapdeng ka jingtohkit ba shah pyniap u (Late) Raja Raghuvanshi.
U hynmen jong u la pynpaw ba ka jingioh jamin ki 3 ngut ka la wanrah ia ka jingsngewsih kaba khraw ia ka iing ka sem jong u Raja.
You may also like
-
Noh synniang ka APSTA da ka ‘Charity Home’ ha rakhe sngi iap u Thomas Jones
-
Balei phim rung BJP ban ioh plie dewiong, ong u Amit Shah ia ki MLA UDP
-
“Ngeit ha lade bad wat kynran dien” kyntu u Dr. Shakil ia ki samla
-
Kan long kaba sngewsih lada ka UDP ka khyllem noh kum ka Party riewlum: Paul
-
Pynlong ka ophis u DSO Nongpoh ïa ka 2nd CMYEP ha Bhoirymbong Block