Ka 49th Hundred Drums Wangala lane ka Wangala Festival, ka tamasa ban rakhe bad ban ainguh jong ki jaidbynriew Garo kan long naduh ka 5 haduh 8 tarik Naiwieng ha Wangala A.dam, Chibragre, hajan Goeragre Tura. Iama Wangala la pynlong da ka Hundred Drums Wangala Festival Committee (HDWFC) ha ryngkat ka jingkyrshan na ka Sorkar Jylla.Ha kane ka tamasa kin don shiphew tylli ki kynhun shad kiba ïakhun ban ïoh ïa ka nam ba Khyndai tam bad kin don ruh ki nongiashim bynta ban shad kynthup ki samla. Ha kane ka sngi yn wan shim bynta lang ruh da u Lat ka Jylla u CH Vijayashankar bad u Myntri Rangbah ka Jylla u Conrad K Sangma bad 2 ngut ki Myntri Sorkar Pdeng.
Ka jingpynkhreh iaka rynsan ka dang iaid shakhmat khnang ban lah ban khring ia palat hajar ngut ki nongwan peit kai. Ha kane ka tamasa yn kynthup ïa ki jingpyni nam kum ka Rhythm of 100 Drums, ki jingïakop rwai tynrai, ka jingïakop shet jingbam bad ki jingïalehkai tynrai. Haka sngi kut kata haka 8 tarik Naiwieng kan don ka jingpyni itynnad daki jingrwai tynrai ha ryngkat bad ki jingtem ksing, ki gong, ki turoi, bad ki tang bisli.
Ia kane ka tamasa yn pynkut da ki jingtem jingrwai naki kynhun bapher bapher kiba pawnam jong ka thain. Ka tamasa Wangala ka dei ka jinglehkmen kaba kongsan ha ka kolshor, kaba pynpaw ïa ka jingïatylli, ka jingngeit, bad ka mynsiem lehkmen jong ki jaidbynriew Garo.
You may also like
-
Kem ki pulit Mawkyrwat ia u runar na Gujarat ba ‘Blackmail’ ia ka samla haduh ban pyniap ia lade
-
Ka jingialang ki ‘Scouts & Guides’ban kyntiew ka jingiatreilang ha ka imlang sahlang
-
Yn pyntreikam ia ka ICCC ha jylla kum ha Telangana: Conrad
-
Hadien ka jingtwa surok Laitlyngkot Bthah u ADC ban iaid noh na surok Laitlyngkot-Umthli-Laitkynsew
-
Ka Jylla kan leit iakren bad ka sorkar Pdeng ban pynjynsur ia ka Mining Lease ban tih dewiong