Phra ngut ki nong Bangladesh ki la shah kem ha ka sngi Palei na Madan Chandmari ha Tura. Ki BSF ki la iathuh hadien ba ki la ioh ki jingtip ba thikna ki la pynlong ka jingkhynra ryngkat ki Pulit ka Tura bad ki la ioh bat wei ka kali Innova kaba don ia u numbar AS 01 GC 7050 hajan madan Chandmari bad ki la kem noh ia ki 8 ngut ki nong Bangladesh ryngkat bad uwei u nong India uba niah ia katei ka kali Innova.
Ka iathuh kitei ki 8 ngut ki nong Bangladesh ba shah kem ki kynthup ia u Sahan Sardar na ka shnong Purulia, u Md Habibul Rahman 24 snem ka rta na ka shnong Ghona, u Sahidul Islam 50 snem na Sehara, u Md Milon 23 snem na Sekondra, u Azgar Gazi 28 snem na Sreepur, u Md Sohel 28 snem na Battarkatta, u Almamun 28 snem na ka shnong Gina, bad u Md Tuhin 26 snem na Sekondra bad baroh ki dei na District Sakthira ka ri Bangladesh. Kine ki khar Bangladesh ki thmu ban leit sha West Bengal.
Katba u nongniah uba dei u nong India uba dnkti ban ialam ba la tip kyrteng u Abhijit Das 25 snem na ka shnong Bhattipari West Bengal ula shah kem lang ryngkat ki khar Bangldesh.
You may also like
-
Ki Nongdie Harud Surok Ba la Kylla Long Ki Nongphah Mar Sha Bar Ri: Ki Nongrep Meghalaya Kiba la Ioh Number Ki la Kheit Ia Ki Soh Jong Ka Jingtrei Shitom
-
Kynnoh ka BJP ba shim kabu ki Seng Sain Pyrthei ha ka jingiakhih ki samla pule
-
Bthah u Conrad ban pyndep kloi ki jingtei Meghalaya House ha kylleng ka Ri
-
Ka sorkar kan pynneh ia ki tyllong um bam lyngba ka ‘Jal Utsav’
-
Ai nam u Kitkupar Nongsiej ïa ki takma ba khur na WCOPA ia ka India