Ka jingrakhe kynmaw burom ia ki kmie ki kpa ka Parent’s Day kaba nyngkong eh jong ka Umsaw Mawjynrong RCLP School ryngkat u Phadar Ambrose Lamin bad u Bah PT Sawkmie, MLA barim ka la long kaba shongshit bad ba shongkun ha ka sngi Palei ka 14 tarik u Nailar, 2025. La pyniphuh i phieng ia kane ka sngi da ki jingshad bad jingrwai na ki khynnah kane ka skul kaba don ha Umsaw Mawjynrong, ka shnong kaba dang hap hapoh ka Mawlai Constituency.
Haba ai jingkren kum u kongsan u bah Sawkmie u la kitbok kitrwiang ia ki kmie ki kpa na ka bynta kane ka sngi kyrpang jong ki. Īa kaba u la ong ruh, ba khlem ki kmie ki kpa kiba la pynheh pynsan kin ym long kumne kumba ki long bad u la kyntu jur ia ki kmie ki kpa kiba don lang ha kane ka sngi ba kin kynmaw ban ym tim ym mai ia la ki khun da ki ktien kiba khlemakor.
Ha kane ka sngi la ioh ruh ka jingkren na u Phadar Ambrose bad na ka head teacher ka kong T. Wahlang, kiba la pynpaw ia ka jingsngewnguh halor ka jinglong la kloi jong u bah PT Sawkmie ban don ryngkat bad ki. Kiwei kiba la don ryngkat ha kane ka jingrakhe ki long u Rangbah shnong bah R. Mawthoh, u Rangbah Balang, ki dkhot nongkitkam ka managing committee bad kiwei kiwei.
You may also like
-
Ai jinghikai ka DREAM ia ki khynnah ba pep skul shiteng por ban lait na u drok bad sengkam lajong
-
Da ki kor Digital yn lum jingkhein Khanasamari 2027, palat 8 hajar ki nongshim jingkhein
-
Shen yn iakren u Conrad bad u MR ka Assam ban sdang iakren pynbeit pud
-
Ka High-Speed Corridor ka jingkyrkhu ia ka Meghalaya khamtam ka Ri-lum Jaintia
-
Shimti u Raymond Kharjana kum u President, u Reuben kum u GS ka KSU