Ka sorkar Jylla ka la thaw ia ka All Party Committee ba kynthup ia baroh ki seng sain pyrthei ha Jylla hynnin ka sngi 2 tarik Iaiong na bynta ban peit ia ka mat halor ka jingthmu pyniasoh lynti rel ha jylla Meghalaya. Katkum ka jingpynbna ba la pynmih da u Chief Secretary ka jylla u Bah DP Wahlang, u la pyntip ba ka sorkar ka la thaw ia ka All Party Committee ban khlieh da u Myntri Rangbah ka Jylla ne u Myntri ka Sorkar Jylla katkum ka jingjied jong u Myntri Rangbah ka jylla.
U Chief Secretary ula kyrpad ia baroh ki seng sain pyrthei ba kin phah ia ka kyrteng jong ki ar ngut ki nongmihkhmat sha ka Committee. Ki Tnad Sorkar ba don jingiadei kam bad yn sa khot ia ki tnad Sorkar ba don bynta ha katei ka kam ha ka jingialang ban sa long shen. Ki mat treikam ka Committee ka long ban bishar bniah bad ban wad ia ki lad ki lynti ban pynbeit kumno ban wanrah lynti rel bad ban sdang ia ka kam ha jylla Meghalaya.
Ka Committee kan bishar ruh ia ka jinglut jingsep halor ka jingwanrah lynti rel ha ka jylla bad la bthah ia ka Committee ban pan jingmut na baroh ki kynhun ba don bynta lang bad hadien kan sa aiti ia ki jingai jingmut (Recommendation) sha ka sorkar jylla.
You may also like
-
Iakhih ka HFU ba hiar dor ki mar rep
-
Ka KSU kan ym kynran dien ban iakhun ia kiba thmu ban pynkylla ‘langiong ia ki para doh
-
Hadien ka jingthwet ba kynnoh batbor Leit pyndem u Jonathan ha ki pulit Laitumkhrah
-
Phah jingthoh ki bah Hek sha u MR ban ai jingiarap ia kiba iap ha Lapalang
-
Ujor ejahar ba pynpra khyrdop JHADC