Yn thaw ka Trinity Business Park ia ka Integrated Commercial Ecosystem kaba heh tam ha ka thain shatei lam mih ngi

Ka Trinity Business Park ka la pynbna ban pyllait ia ka shlem kaba yn trei na ka bynta ban pyni ia ka jingsnoh lang jong ki kam khaii pateng bad ka jingkiew jong ki ne ka integrated commercial development ha North Guwahati. Kane ka jaka ka heh palat 16 akar bad haduh 3 million sq. ft. yn don ka jaka ba yn shna ia kane ka shlem, kane ka projek kan wanrah lang ia ki jaka treikam kiba iadei bad ka iadie iathied, ka jak aba pynlong ophis, ki kam kiba iadei bad ka shong ka sah ne ka hospitality, bad ka jaka ban pyni nam ha kane kajuh hi ka phyllaw.
Ka Trinity Business Park ka long na ka bynta ban ai jingshakri ha ka por ba dang sdang ban rung sha ka kam ne ka jingsdang jong ka kam na ka bynta ki kompany ha ka thain shatei lam mihngi ka India, khamtam na ka bynta kito ki shnat treikam kiba trei ha kylleng ki ri, ki kompany teknology kiba heh, bad ki kam khaii pateng kiba paw ha India kiba kwah ia ka jaka ba kin sdang ia ka jingtreikam shabar jong ki iew heh ne ki metropolitan. Kane ka projek ka wan ha ka por ha kaba ka Guwahati ka la mih ban long kum ka bynta ba kongsan tam na ka bynta ka ioh ka kot bad ka jinglah ban pynbiang ia ki tiar ki tar na ka bynta ka thain shatei lam mihngi ka ri India, da ka jingkiew ka jingdawa ban don ki kam khaii pateng kiba biang kiba iahap bad ka jingdonkam ka thain, ka jingiakhaii pateng bad ki jingtei kiba biang.
Ka jingthaw ia kane ka la lah ban ban khring ia ka jingsngewtynnad jong kito kiba don ha ka kam khaii bad kiba leh ia ka jingpyniaid iew ia ki mar ki mata. Ki dkhot jong ka Assam Textile Merchants’ Association ki la kular ban shim ia ka jaka die jingdie hapoh kane ka jaka, katba ka jingiakren ka dang iaid bad ki kynhun kiba don ha kylleng ki bynta treikam.
U Hemant Agarwal, Partner, Trinity Business Park, u ong: “Ka Trinity Business Park kadei ka shlem ba yn don bun jait ki kam khaii pateng ne ka integrated commercial development kaba nyngkong bad kaba heh bha bad bap her ruh ha ka thain shatei lam mih ngi ka ri India, ia kaba la saindur ban ai ia ka shlem treikam ha ka rukom kaba ym pat ju iohi koit mynno mynno ha ka thain. ka jingphai khmat jong ngi ka long ban iarap ia ki kam khaii pateng ban pyniar bad treikam ha ka rukom kaba biang napoh kane ka jaka kaba kyrpang na ka bynta ka kam khaii pateng. “
Napdeng ki bynta kiba kham kongsan jong kane ka kam kadei ka jingdon ia ka showroom kaba 16-phut ka jingjrong, ka jingdon jong ka jaka treikam ne ka ophis kaba 12 phut ka jingjrong, 18 tylli ki elevator ban pynkit ia ki mar, 25 tylli ki elevator ban shong ki briew, bad ka jaka ban pynieng kali kaban ngiam haduh palat 3,000 tylli ki kali, ia kaba la shna pynwandur ban kyrshan ia ka jingtreikam kaba ym thut. Ha kane ka jaka yn don ruh ka jaka bam kaba heh haduh 22,000 sq. phut, kan don ka grand atrium, ka jaka bam ba I tynnad kaba yn bam shabar, ka jaka ba itynnah, ka jaka shongkai kaba heh, ka jaka ba kyrpang kaba don habar na ka bynta ban pynlong ia ki jingialang, kan don ruh ka jaka ha kaba ki riew donsap ki lah ban pyni ia ki sap jong ki bad kan don ruh ka amphitheatre kaba heh. Kane ka jingtei ka don ha Amingaon, North Guwahati, da kaba la lah ban pyniasoh bad ki iew khaii pateng, ki jaka sah ki briew, bad ka jaka ba lah ban ioh ia ki kali sha kylleng ka nongbah, kaba la buh ia ka kum ka jaka leh ia ki kam khaii kaba heh bad biang tam ha ka thain.
U Ravi Agarwal, Partner, Trinity Business Park, u ong, “Ka kam khaii pateng kaba iadei bad ki jaka puta ba ki iing ki sem ka la kylla bha ha India, ha kaba ki shlem treikam ki kwah ban ioh ia ka jaka treikam kaba la saindur phai, kaba la long la pynkhreh na ka bynta ka lawei ym kumba long ha ki por ba mynshwa ha ki jaka sor ne ki metropolitan centre. Ki nongbah kum ka Guwahati ka la mih bad long kum ka khyrdop kaba biang tam na ka bynta ka kam khaii pateng, kaba la wanrah ia ka jingdawa na ka bynta ban buh ia kine ki jingtei kiba yn lah ban kyrshan ia ki jingkiew jong ki kam khaii kaba neh slem, ka jingbiang ha ka rukom treikam bad ka jaka treikam kaba iadei bad ka jingdonkam. Ka jingtei jong ka Trinity kaba la pynwandur ha ka rukom kaba biang ka lah ban kyrshan na ka bynta ki kam khaii pateng kiba heh bad kiba iaineh slem.”