Ka jingjur slap ha ki Sngi ba la dep ka la wanrah ka jingtwa khyndew ha bun jaka ia ka surok ha shnong Nongrim Jirang, Ri Bhoi District.Kane ka jingtwa khyndew ha surok ka la don kumba ar taiew hynrei ka tnad PWD ka dang pynkhuid tang katto katne bad ki dang don kiba sah kaba pynthud ia ki paidbah nongleit nongwan ha ka thain ba kynthup saw tylli ki shnong, ka Nongrim Jirang, Jareibasai, Umkremdykhong, New Amkrem bad Paham Umshru.
Halor kane ka seng Confederation of Ri Bhoi People (CoRP) ka kyntu ia ka tnad PWD ban pynkhuid noh maodor ia ka khyndew ba twa bad kumjuh ban maramot ia ki bynta ba sniew palat ka surok, khnang ka ki paidbah kin suk ban leit ban wan khamtam ka kit ka bah, namar lada shu ieh kumto ka khyndew ka lah ban syntuid ne twa biang lada jur slap ha ki sngi ban wan.
Kumta ban lait na ka jingthut ka leit ka wan ka tnad PWD ka dei ban pynkhuid kloi katba lah na bynta ka jingsngain ki paidbah ka thain. Kane ka long katkum ka kyrwoh khubor ba la pyllait da u bah Gershome Hat, Vice President ka CoRP sengkmie.
You may also like
-
Hab sah iing wai ki nongtrei ka Hospital Mynnar Jirang, mad jingeh ki nongpang
-
Pynkup burom u MLA ia ki riew rangbah, ki samla pule bad nongialehkai
-
Bteng ka Assam ban klun jaka ha Meghalaya
-
Thmu ka Meghalaya ban pyndonkam hok ïa ki Free Trade Agreement ban pynïar ka jingshalan mar
-
Rakhe ka WKH ia jingdap 50 snem ka jingiaid lynti bad ka pateng ban wan Nongstoin