Ka ophis u Block Development Officer (BDO) ka Khadarshnong-Laitkroh, ula pynmih ia ka jingpynbna ba ym shah ban pyllong ia ka jingiatur masi ha ki Block bad kino kino ki leh pyrshah yn pynshitom katkum ka ain.
U BDO bah WK Kharbuli ula ong, katkum ka shithi kaba la pynmih ka Deputy Commissioner ka East Khasi Hills ha ka 10 tarik Kyllalyngkot, 2025, la mana pyrshah ia ka jingiatur masi ba ju pyllong ha ki tamasa ne fete ha ki jaka bapher bapher ka district. Ha ka jingpynbna, la kdew ba kane ka jingiatur masi ka la pynkhein ia ka kyndon 11 ka Prevention of Cruelty to Animal Act 1960 bad katkum ka hukum ka Supreme Court ka ri India.
“La mana tyngeh bad khang pyrshah halor kane ka jingiatur masi bad kiba leh pyrshah, yn pynshitom katkum ka ain”, la ong ka jingpynbna.
You may also like
-
Kiew 7,500 ki Case shah dait ksew East Khasi Hills
-
Ka Cherry Blossom Festival New Shillong, ka tiket T.2,500 ba duna eh
-
Ka khubor thok ba leit iasoh BJP ki MLA UDP: Olan Sing
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet