U Myntri Rangbah ka Jylla u Conrad K. Sangma hynne ka sngi, ula pynbna ba ka All-India Council for Technical Education (AICTE) ka la mynjur ia ka College Architecture & Urban Planning, Tura ban sdang ia ka Degree Course ha ka Urban Planning na ka bynta ka samoi pule ne Academic Session u snem 2026–2027.
U Conrad Sangma ula pynbna ia kane ha rynsan social media, ula pynpaw ia ka jingkmen ba ka AICTE ka la mynjur ia ka College Architecture & Urban Planning, Tura, jong ka Captain Williamson Sangma State University (CWSSU) ban sdang ia ka Degree Course ha ka Urban Planning na bynta ka samoi pule 2026–2027 ban jingai jinghikai ha ki 30 tylli ki Seat ne 30 ngut ki samla pule.
Ula pynpaw kane ka dei ka sienjam ba kongsan ha ka Higher Education bad ka jingroi ka jylla bad ka long u mawmer ba kongsan ia ka jylla ban thaw ki lad ki lynti na bynta ki samla pule ban pyntbit ha ka Urban bad Regional Planning ha jylla.
You may also like
-
Tur ki paidbah ha Ialong Toll Plaza ba khrong pisa na ki kali ML-04 bad ML-11
-
Shongshit ka Fete skul St. Anne’s, plie Bah PT Sawkmie
-
Pyllait u MR 95 ki kali ka tnad pulit ban pynkhlain ia ka jingtreikam
-
Ki rai ka sorkar lah ban bishar biang katkum ka jingai jingmut ki paidbah: Conrad
-
Iamir jingmut u Conrad bad ki heh UNICEF halor ka Mission 1000 sngi