Rah ka Sawangka Surong ia ka nam Miss Meghalaya 2026

Saw ngut ki thei bhabriew ka jylla, ki la ioh rah ia ka nam bad burom hadien ki la jop ha ka jingiakop Miss Meghalaya, 2026 bad Miss Teen Meghalaya, 2026.

Ia ka nam Miss

Meghalaya 2026 la ioh rah da ka samla Sanwaka Surong, katba ka samla Loretta

Laloo ka la ioh rah ia ka nam first runner-up bad ka samla Ameda Giovana

Kyndiah ka la iohrah ia ka nam second runner-up.

Katba ha ka jingiakhun jong ka Miss Teen Meghalya,2026 ka samla Odarica Kamar War ka la iohrah ia ka nam jingjop ha kane ka jingiakop.Haba kren sha ki lad pathai khubor, kine ki samla kila pynpaw ia ka jingsngewkmen bad ki la ai khublei ia ki nongpyniaid.Na ka liang u State Pageant Coordinator u bah Brian Wahlang, ula ong ba kane ka jingiakop kam dei tang ban iohrah ia ka nam jingjop hynrei ka long ruh ba ai mynsiem ia kiwei ki samla kiba iashim bynta ba kin nang ioh mynsiem ban pyni ia ka sap ba ki don.“ Ngim kwah ba kane kan long tang ka jingiakop kaba shi sngi ha kaba ki samla kin wan, ki jop bad kin shu leit. Ha ki 14 sngi ka jingai jinghikai, ki samla kiba ioh ia ka jingshah ai jinghikai, ki iakynduh shibun ki jingshemphang kaba la iarap ban pynkylla dur ia ka rukom pyrkhat , ka rukom kren ban iaid shakhmat. Ka thong jong ngi ka long ba baroh ki nongiashim bynta kidei ban mih da ka jingioh jingmyntoi kaba long kordor,” ula ong.

Katkum ka jingiathuh jong u nongpyniaid, ki don 20 ngut ki samla kiba iashim bynta ha ka Miss Teen bad 16 ngut kidei kiba shah jied ha ka rynsan.Haba kren halor ka jingjop, ka samla Sanwaka Surong ka la ong ba kane kadei ka sngi kaba kmen hadien ba ka la sahngeh shwa snem na ka jingiakop. “ Nga la ju iakhun ha kiba bun ki rynsan iakop thei bhabriew hynrei ngam shym la lah ban poi sha ka thong bad ka la don ka por ba nga la jied ba ngan kynran dien noh. Hynrei ngam shym la pynduh jingkyrmen bad nga la rai ban shim bynta hadien saw snem namar ka don ka jingthrang ba nga kwah ban mihkhmat ia ka jylla ha ka ri ne ka National level,” ong ka samla Sawanka.