T.552.73 klur ka surok PMGSY ba 9 Km ha shnong Mawiongsung

Hadien ba ki paidbah ka shnong Mawiongsung kaba hapoh ka Mawryngkneng Constituency, ki la ud sha u MLA ka thaiñ ïa ka jingslem ban shna ïa ka surok, u Bah Heaving Stone Kharpran, ha ka sngi Balang u la lum da ka jingïalang ha ryngkat ki nongkitkam shnong, ki kontraktor, ki engineer bad ki nongshong shnong.

Haba pynshai sha ki paidbah ka thaiñ, u Bah Kyntu Pyrbot u ba dei u Engineer u la ïathuh ba kane ka Scheme PMGSY la wanrah da ka Sorkar Pdeng ban shna ïa ka surok kaba jngai kumba 9 KM ha ka jinglut kaba Rs 552.73 klur tyngka.

U la ong ba kane surok ka jingtrei ka dei 2.5 km yn siang da ka rong bad na 2.5 km haduh 6.5 km yn shna ki na la ‘kacha drain’ bad ki ‘CD Work’ namar ka la don lupa ka surok cement bad Na 6.5km sha duh 9km yn siang biang da ka surok cement.

Ki paidbah kane ka thaiñ ki la buh jingkylli, ba kumno yn leh ha kaba ïadei ban treilang ban pynsted ïa kane ka surok bad ki la hun hadien ba la ïoh ïa ki jubab ba shai na u Engineer bad na u MLA.

Hadien ba la ïa sngewthuh jingmut, la pynlong da ka jingleit jngoh ïa ka jingpyntrei ïa ki surok bad la shem ba ïa ka jingpyntrei la pyntrei katkum ki kor ki bor ka juk ba mynta da kaba siang da ki ‘Plastic Cell’ napoh bad tap da ki cement nalor kiba kyrshan ia ka cement haba ïaid ki kali heh.

Na ka liang ka shnong ka la kyrpad ïa ki Engineer ban sangeh shuwa ïa kane ka jingtrei haduh ka por tlang, hynrei ki Engineer bad ki Kontraktor ki pynpaw ba kim lah ban pynsangeh namar ki bor Sorkar Pdeng ka buh da ka por ban pyndep bad ka shimpor haduh 21 sngi ba ka surok kan rkhiang ban lah ban iaid ki kali heh, bad ban nang pynjlan ia ka por, na ka liang ka shnong kan sa ai da ka jingthoh ban pynjlan ia ka por haduh da ladep ban tei pynbha ia ki surok.