Shyrkhei ka jingtuh ki Petrol Pump, lada theh 186 litar ka GPS ka iathuh 173 litar

U wei na ki nongwad ain RTI u bah Disparsing Rani ula kynnoh ba ka jingtuh petrol na ki petrol Pump ka long kaba jur bha bad ula kyntu ia ki paidbah ba ki dei ban husiar haba ki leit ban thep petrol.

Haba kren sha ki lad pathi khubor hynne ka sngi, u bah Disparsing Rani uba dei ruh u Adviser jong ka East Khasi Hills Local Taxi Welfare Association ula ong ba ula ioh lum ia ki kot ki sla ban sakhi ba ki don ki Petrol Pump ha jylla kiba tuh Petrol na kali paidbah.

U bah Disparsing ula iathuh ba ula ioh pdiang ia ka jingujor na ki paidbah kiba buh kali ba ka don ka jingtuh petrol ha pertol pump ka long haduh katta. Ia kane ka jingtuh petrol la lap lyngba ka jingpyndait ia u GPS.

“Ka jingleh buituh ki petrol Pump la lap lyngba ka jingbuh ia u GPS namar kata nga kyntu ia baroh ban pyndait GPS, namar lyngba une la lap ba ka don kawei ka kali kaba don ia u nombor ML05Y-2584 kaba thep petrol na kawei ka petrol Pump ka bym pat lah ban batai ia ka kyrteng jong ka Petrol pump, ka la tuh petrol haduh 13 litar,” ula ong.

Katkum ka jingiathuh u bah Disparsing, ka jingtuh petrol na katei ka kali la lap na u GPS. Ha ka rusit ba theh ha Petrol Pump ka long 186 litar hynrei ha ka GPS message la iathuh ba ka petrol la theh tang 173 litar. Ka jingiapher ka long haduh 13 litar ka jingshah tuh.

Ula ong ba kane kam dei tang kawei ka petrol hynrei kan ktah ia kiwei baroh ruh ki Petrol bad kan ktah ia ki briew kiba buh kali

Kane ka kam ka long ka long beain bad kin leh ia kaba donkam la kin ujor sha ka kompeni ne kano kano ka kam pyrshah ia ar tylli ki petrol kiba la tuh im peit ia u paidah

Kane ka jingkyntu ba kidei ban husiar ban theh petrol ha kano kano ka jaka

Lada don ka GPS, kan long ka jingkyrkhu mar iatheh petrol bad ki dei ban check ia ka obile

Halor kane un sa leit ban ujor sha ka Kompeni bad sha ka Consumer