Lah dep ai Work Order ban pynheh ia ka Shillong Airport

U Symbud Myntri Rangbah ka Jylla u Bah Sniawbhalang Dhar ula ong, ba lah dep ban aiti ia ka ‘Work Order’ ha u Kontraktor na ka bynta ban shna pynheh noh ia ka kad liengsuin Shillong Airport kaba don ha Umroi, Ri Bhoi District hynrei une u kontraktor ym pat lah satia ban pyniaid shakhmat ia ka jingtrei namar ka jingslap.

Haba iakren abd ki nongthoh khubor, u Bah Sniawbhalang Dhar ula ong, ba ia ka kam lah dep ban aiti ha u Kontraktor bad ka jingpyntrei ia kane ka kam kan sa dang noh.

“Ha ka jingshisha kila dei ban sdang ia kam namar lah dep ban aiti ia ka Work rder. Lehse, namar jong ka jingslap, kumta kala pynslem noh ban pyntrei ia ka kam” ong u Bah Sniawbhalang.

“Ngi la ioh jingbit, kumta ngi la khot ia ka Tender. Ngi la ioh ia ka jingbit ban pyntrei ia ka project ha ka jaka ki shipai. Dei na kane ka daw ngi la slem” ula ong.

Ha kaba iadei bad ki projek ha Shillong, kaba kynthup ia ka Khyndai Lad Shopping Mall kadei kaba yn sa pyndep pura noh ia ka jingtei, kumta shisien ba la dep ban aiti ia ka kaiphod ba la dep ban shna pura, kumta un hap ban ap sa ia ka Expression of Interest (EOI).

Na ka bynta ka Polo Mall, u Bah Sniawbhalang ula ong ba lah dep ban pynmih 2-3 sien ia ki jingpynbna lyngba ki lad pathai khubor hynrei um shim la don mano mano ruh kiban wan shakhmat, kumta ngin hap ban iasyllok biang bad ngin hap ban pynduna noh khyndiat ia kaba ngi hap ban peit bniah bha.

Na ka bynta ka New Shillong Township, ula ong ba ka jingpyntrei ia ki kam ki jam kala long kaba iaid bha shakhmat ha jan baroh ki projek, kila don katto katne ki projek na ka Urban, Tourism baroh kitei ki projek kila iaid bha shakhmat ha kylleng ki bynta jong ka New Shillong Township.