Khyndai ngut na ki khadar ngut ki MLA ka seng United Democratic Party (UDP) shen kin leit iasoh bad ka seng BJP kaba bat ia ka bor synshar ha ka Ri mynta, hadien ka jingiakren ha ka wat ba-ar ka ban long ha ka 30 tarik mynta u bnai.
Ka tyllong khubor ka iathuh ka jingiakren ka dang iaid shakhmat bad kiba paw kyrteng ban leit iasoh BJP ki kynthup u President ka UDP, Bah Metbah Lyngdoh, Bah Nujorki Sungoh, bah Reniktone Lyngdoh Thongkhar bad kiwei.
Ka jingkynduh banyngkong ki MLA ka UDP bad ki heh BJP ha Delhi dang shen ka long ban pynpaw ka jingpyrshah ia ka jingthmu pynkylla ia ki kyndon jong ka Foreign Contribution (Regulation) Act (FCRA) namar ka ktah ia ki paid riewngeit khristan bad ka imlang sahlang ha Jylla.
Kum ban pynpaw na ka jingleit iakynduh ia ki heh BJP ha Delhi ban pyrshah ia ka FCRA, ka ktik pynban ia ki MLA UDP ba leit iasoh sha ka BJP bad kane ka lah ban wanrah ka jingkylla ha sain hima sima hapoh ka UDP bad wat ha ka jylla lada khyndai ngut ki MLA UDP kin leit iasoh sha ka BJP.
You may also like
-
Shah pynngat mukotduma thymmai ki nongialam KSU
-
Pynkup burom ka NEAU, Khliehtyrshi ia 299 ngut ki samla pule
-
Pynsngewthuh ki pulit halor ki kam thok, jingdih buaid bad shongkha khynnah
-
Halor ka jingkhlad u khnnah 12 snem ba suba dih ‘STING’
-
Leit phai iing ki dkhot KSU ba shah khot hajir, bym shah rung ki pulit pahara ha Sadar PS