U Nongialam Liangpyrshah uba dei ruh u nongialam Trinamool Congress (TMC), u Dr Mukul Sangma hynne ka sngi ula kyntait ia ka khubor ba ki MLA ka TMC kin leit iasoh sha ka Bharatiya Janata Party (BJP).
Haba kren shaki lad pathai khubor u Dr Mukul ula pynpaw ia ka jingsngewkhia ka ba jur halor ki ka jinglong jingman ha ka kam sainpyrthei mynta ha ka Ri hi baroh kawei.
U Dr Mukul u la kren da ka jingskhem ba ki MLA ka TMC ki ieng skhem ha ka nongrim jong ki ban don haka Liang Pyrshah bad kin nang bteng ban treikam namar ka bha ka miat jong u paidbah.
Ula kubur ba ki la don ki bor kiba pyrshang ban tan ia ki MLA sha kiwei pat ki Party.
Ula kyntu ia ki MLA ban long kiba peitngor namar ka jingiai bteng kiwei ki Party ban thied MLA da kaba ong ba kane ka long ka jingma ba jur ia ka synshar paidbah.
Haba phai dien sha ki por ba leit, u Dr Mukul u la pynkynmaw ba wat la kine ki kam ki ju jia ha ka por jong ka Congress, ha kine ki snem ba mynta ka la kylla long ka lynti ba la pynkhreh ha ki jylla kum ka Arunachal Pradesh, Maharashtra, West Bengal, bad Delhi.
You may also like
-
Sam pata u MR ia ki nongshong shnong ba sah ha jaka sorkar
-
Kyntait u Bah Titos ia ka khubor ba thmu leit iasoh BJP ki MLA UDP
-
Ka Along ka phrang bad pynsatar ka mynsiem jingialeh ia ka jaidbynriew: KSU
-
Ki surok ha New Jirang ki la sniew lut, palat 28 snem ka PWD kam shym maramot
-
Kyllon iap 4 ngut ki runar ha ka jingiasiat bad ki pulit ha Songsak