U Lamphang ka Iing Dorbar Thawain ka jylla u Thomas A Sangma ula ong ba ka jingpyndep ia ka iing dorbar thymmai ka jylla kan ym palat ia u Naiwieng mynta u snem.
Haba kren sha ki lad pathai khubor mynta ka sngi, u Lamphang ula ong ba ka jingshna ia ka iing dorbar ba thymmai ka dang iaid shakhmat bad la khmih lynti ban lah ban plie noh hapdeng u bnai Naiwieng mynta u snem.
Ula ong ba ma u da lade ula leit ban jurip ia ka jingshna hashwa ba un leit sha ka CPA tour.
Halor ka jingiakynduh jong u dang shen ia u Myntri ka Tribal Affairs u Jual Oram, u Thomas ula ong ba ka sorkar pdeng ia mynta kam lah ban mang pisa na bynta ka kylla baar namar ka jingkylla ha ki kyndon treikam. Ula ong ba ula bthah ia ka Assembly ban leit kynduh ia ka ophis jong u Lamphang ka Iing Dorbar thawain ka ri na bynta ban ioh jingiarap shaphang kano ka tnad ne ka ophis sorkar kaba dei ban pynbit pynbiang ia kane.
U Thomas ula ong ba kam don kano kano ka jingpynkiew ia ka sor ba la mang mynshwa , watla ka lah ban don ka jinglut na bynta ka IT, ICT bad kiwei de ki jinglut na bynta ban pynbit pynbha ia ki jingdonkam.
Ula pynpaw ka jingkyrmen ba la shem snem yn lah ban sdang noh ia ka Dorbar ha kane ka Iing Dorbar thawain.
You may also like
-
Ka kam ba eh tasam ban kynriah ia ki nongdie madan, ong u Conrad
-
Pynkup burom Doctor ka MLCU ia 2 ngut, u Dr Sandi Syiem ka Lifetime Achievement Award
-
Rung BJP u Dr. Jemino ryngkat ki nongkyrshan, kam ban ialam ia ka sorkar ha u 2028
-
Markhmat ha u Amit Shah pynsngew u Bah Hek ba kwah rung BJP ki MLA UDP
-
Kam u GS ba ym don jingwit ki MLA ïa u President