U Syiem ka Hima Nongkhlaw u Paiem Phrester Manik Syiem ula dawa na ka Sorkar ban pynmih ka jingpynbna (notification) ba ka kyrteng ba pura jong u Syiem Tirot Sing ka dei Tirot Sing Syiemlieh.
Ia kane u Peiem Phrester ula kren ha ka jingialang paidbah ban plie ia u motdur ba shiryneng jong u Tirot Sing ha Lumshatsngi Laban.
Haba kren ha ka jingialang u Paiem Phrester ula iathuh ba u Tirot Sing ula shimti ia ka khet Syiem ha ka por ba u dang dap tang 10 snem hynrei ia ki kam jong ka Hima Nongkhlaw la khmih bniah da u Kni.
“Hadien ba u Tirot Sing ula rangbah bad ula dap 18 snem ula shimti ia ka kam kum u Syiem ka Hima Nongkhlaw” la ong u Paiem Phrester.
U Paiem Phrester ula ong ba ki ba bud ia u Syiem Tirot Sing ki tip bha ba ka kyrteng haduh ba pura ka dei Tirot Sing Syiemlieh hynrei haduh mynta ka kyrteng u Tirot Sing dang sah kumjuh.
“Na ka liang ka kur Syiemlieh ka la pyrshang ban iakren bad ka Sorkar bad khamtam eh ka kyrpad ia Bah Sanbor Shullai ba dei u Myntri ka tnat Arts and Culture ba dei ban pynbna paidbah lyngba ka Notification ban pyntip paidbah ba ka kyrteng ba pura jong u Tirot Sing ka long Tirot Sing Syiemlieh” ula ong.
You may also like
-
Pyntian smai u Sadon Blah ia ki nongkitkam ka HYNF Northern Region, u Robinson kum u President bathymmai
-
Pynpra ki longkmie ki jingker bad tala ba khang lynti ki briew na Assam ha Maikhuli
-
Plie u Bah Sanbor Shullai ia u Mot Tirot Sing ha Lumshatsngi Laban
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla
-
Pynkhreh ki MLA ka UDP ban leit iasoh BJP sha Delhi ha ka jingdonlang ki Myntri sorkar Pdeng