Pynmih ka Vi ia ka Vi Intelligence, ka jingpyntreikam AI ban wanrah ia ka lashai jong ki Agentic Enterprise

Ka Vi, kawei na ki nong wanrah jingshakri na ka bynta ki jingpyniaid network, ka la pynbna paidbah ia ka jingpynmih jong ka Vi Intelligence, ka buit jingpyntreikam AI jong ka kompani ban wanrah ia ka jingpynkylla ba la pyniaid da ka AI ha kylleng jong ki jingpyntreikam ki jong ka bad kumjuh ruh na bynta ki nongpyndonkam ki jong ka bad ki jaka treikam ha kylleng ki karkhana ban pyndonkqm ia ka bor jong ka next-gen AI bad ban shna ia ka lawei jong ki jingstad ha ka jaka treikam.

Hapdeng jong kane ka jingpyntreikam ka don ka Vi Intelligence Lab, ka jingpyniasoh ba la shna lypa bad ka PwC India, ban treikam kum ka kor ban wanrah ia ki jingshna ba thymmai, ban hikai bad ban nang pynheh ia ki lad pyntreikam jong ka AI. Kan wanrah lang ia ki jingnang jingtip jong ka PwC India ban wanrah jingkylla ban tei ia ka khyrdop jong ka jingpynwandur thymmai ia ka pyrthei da kaba pyniakynduh lang ia ki nongialam ha ka AI jong ka pyrthei baroh kawei, ki jingshna ba thymmai, ki jingwad bniah bad ki jaka treikam ban weng ia ki jingeh ha ka kam khaii lyngba ka AI.

Ka PwC India kan shna ia ka kynhun Centre of Excellence, ka ban treikam lang bad ka Vi ha Mumbai. Haba kren shaphang kane ka jingpynmih, u Jagbir Singh, CTO, Vi, u la ong, “Naduh ka jingpynbha ia ka jingiadei bad ki nongthied bad ka jingiashem ha ki rukom shakri ki jong ki sha ka jingpyrkhat biang ia ki rukom treikam, ka Vi Intelligence Lab kan ai jingkyrshan ia ki jaka treikam ban pyntreikam ia ka AI ha ki rukom kiba iadei bad kiba heh. Ka Vi Intelligence Lab ka long ka jingkular ka jong ngi ban tei ia ki jinglah ki jong ngi kiba la pynkhreh na ka bynta ka lawei ka ban iarap ban wanrah ia ki jingshna ba thymmai ha kylleng ki karkhana treikam.”