Ki bor pulit ka Nongpoh Police Traffic Branch hynne ka sngi U Blei 19 tarik Kyllalyngkot ki la ai sngewbha ia ki jingda khlieh ne ‘Helmet’ ia ki nongniah thuk thuk ha nongpoh ryngkat ka jingpynshai paidbah ia ka jingkongsan ban phikir haba niah ia ki kali ar shaka ne saw shaka.
Ha kane ka jingmih ki pulit ka Nongpoh Police Traffic Branch ba la lamkhmat da ki pulit officer, la sakhi ba ki la sam ia ki jingda khlieh sha ki nongñiah ia ki ar shaka ha ryngkat ka jingpynshai ia ki kyndon niah kali bad kim dei ban niah khlem akor ia ki thuk thuk ha ki surok bah ban burom lem ia kiwei kiba iaid ba ieng ha u surok bah, la sakhi ruh ia ka jingsam ia ki jingdeng dakhlieh sha ki khyllung khynnah ruh kum ka jingpynsngewthuh ia kiba la san halor ka jingkordor jong ki jingdeng da khlieh.
Ha kane ka sngi, ki bor pulit nalor ba ki la sam ia ki jingdeng da khlieh, ki la pynlong ruh ia ka jingtalasi ia kito ki nongñiah kali ki bym pyndonkam ia ki seat belt, ki bym pyndonkam helmet bad kiwei kiwei ban nang ai jinghikai ia ki paidbah ban burom ia ki kyndon niah kali kaba long ruh kum ka jingai jinghikai hashwa ka jingrakhe ia ka Republic Day 2025.
You may also like
-
Noh synniang ka APSTA da ka ‘Charity Home’ ha rakhe sngi iap u Thomas Jones
-
Balei phim rung BJP ban ioh plie dewiong, ong u Amit Shah ia ki MLA UDP
-
“Ngeit ha lade bad wat kynran dien” kyntu u Dr. Shakil ia ki samla
-
Kan long kaba sngewsih lada ka UDP ka khyllem noh kum ka Party riewlum: Paul
-
Pynlong ka ophis u DSO Nongpoh ïa ka 2nd CMYEP ha Bhoirymbong Block