Ki Polisi kiba iaid shaphrang ki lah ban pynlah ia ki lad ki lynti kiba la kyrshan da ka saian

U Frederic De Wilde, President ka SSEA, CIS & MEA Region, PMI, u la pynpaw ia ka jingdonkam ban pynkylla ia ki kyndon bad ka jingpynwandur thymmai jong ka saian ban pynrungiaki lad ki lynti kiba khlem jingma na ka bynta ki briew. “Ka jingeh kaba nyngkong eh na ka bynta kano kano ka karkhana kaba dang kiew ka dei ka jingpynbeit ryntih. Ngi dang sakhi ia ka jingkylla ha ka pyrthei ha ka liang ka duma, bad ka  saian bad ka teknoloji ki pynkylla dur biang ia ka rukom treikam jong kane ka kam. Hynrei, ban thaw ia ka jingktah kaba jrong, ka karkhana ka donkam ia ki polisi kiba pynpaw ia ki jingshisha jong kane ka juk bad ka jingpynwandur thymmai. Kane kan pynshlur ruh ia ka jingpynkylla thymmai, ka jingkylla ha ka karkhana, bad ka jingroi kaba la pynlong da ka jingbei tyngka, na ka bynta ka mariang jong u duma baroh kawei, da kaba pynlong ia ka India kum ka paralok kaba kongsan ha ka pyrthei baroh kawei,” ong u De Wilde. Haba kren ha ka jingialang, u De Wilde u la pynpaw kumno ka jingshim rai bad ki kyndon ba la ialam da ka saian ki pynkylla ia ka tnad & plie lad kamai thymmai. U la ban jur ba ha kylleng ki karkhana bapher bapher—naduh ka bor ding ba lah ban pynthymmai haduh ka pisa digital—ki ri kiba la pynthymmai ia ki rukom pynïaid ki la ïohi ia ka jingkiew kaba stet ha ka ïoh ka kot bad ka jinglong kaba khlaiñ ha ka pyrthei.

 Haba pyrkhat shaphang ka jingkylla jong ka PMI, u De Wilde u la ong, “20 snem mynshwa, ka kompeni ka la sdang ban pyrkhat biang ia ka bynta jong ka ha ka kam shna duma, da kaba ithuh ba ki jingdonkam jong ki nongthied bad ki jingkiew ha ka science ki dawa ia ka jingkylla. Ngi la ithuh kloi ba ka jingthang ka dei ka daw ba kongsan jong ka jingma ha ka jingdih duma bad ngi la pynleit jingmut ha ka jingwad bniah bad jingpynwandur jong ngi ban pynduh ia ka. Ngi la bei tyngka $14 billion ha ka science, jingwad bniah, bad ki jingpyrshang khaii ban kyntiew ia ka jingpynwandur bad pynsngewthuh shaphang ki lad ki lynti kiba kham duna ka jingma”.  Ngi la thung palat 500 ngut ki stad saian ba pawnam, bad ngi la tei ia ka nongrim wadbniah kaba khlain ban pynthikna ba ia ki lad ki lynti kiba ngi la pynrung la kyrshan da ki jingtip kiba lah ban ngeit bad ki rukom treikam kiba shai. Shi snem mynshuwa, ngi la pynmih ia kine ki lad ki lynti ha ka jingiatreilang bad ki sorkar ha kylleng ka pyrthei.  Ki jingmih Ha kiba bun ki ri, ka jingdih sikret ka nang hiar nang hiar, bad kiwei pat ki lad ki lynti ki shim ia ka jaka jong ki.”

U De Wilde u la pynksan kumno ka jingpynkylla thymmai ia ki kyndon ha ki bynta jong ka Europe bad Asia ka la pynlong ia ka jinghiar ha ka jingdih duma. “Ha Japan, ka jingpynrung ia ki lad ki lynti ka la pynduna ia ka iew jong ki sikret ba lah ban thang ha ka shiteng. Ha Rome, uwei na ki lai ngut ki nongdih sikret u la kylla sha kiwei pat ki lad, kaba pyni ia ka jingkylla kaba khraw ha ka jinglong. ka jingpang cancer sniehdoh kaba duna tam hapdeng ki shynrang ha ka EU, kaba pyni ia ka jingktah kaba bha jong ka jingpynkylla thymmai ia ki kyndon bad ka jinglah ban ioh ia ki lad ki lynti.” Da kaba pynleit jingmut ha ka rukom pyniaid bad ka ioh ka kot jong ka India, u De Wilde u la iaroh ia ka jingroi jong ka kaba la pynlong da ki polisi ha ka liang ka teknoloji, ka pisa tyngka, bad ki jingtei. U la ban jur ba ka jingjop jong ka India ha ka jingshai jong ki kyndon ka la pynlong ia ka jingbei tyngka, ka la pynroiiaka jingpynmih jingmut thymmai, bad ka la pynskhem ia ki jingïatreilang ha ka khaii pateng.   “Ka India ka la long ka nongsdang ha ka jingpynkylla thymmai ia ki kyndon ha kylleng ki karkhana. Naduh ka bor ding ba lah ban pynthymmai haduh ki jingsiew digital, ki polisi kiba iaid shaphrang ki la pynsted ia ka jingkylla ha ka ioh ka kot.   Ka sienjam kaba bud ka long ban pynthikna ba ki karkhana kiba la pynskhem da ka science ruh ki lah ban noh synniang sha kane ka jingkiew.”