Ki nongshong shnong ka Mawpdeng kaba don ha khappud ka jylla Meghalaya bad Assam kaba don ha Ri Bhoi District, ha ka janmiet jong ka 25 tarik Lber ki la ioh ban kem ia ki arngut ki briew kiba suba donkti ban siat mrad ha ryngkat ar tylli ki suloi shna hi (country made), ki bom pataka, ki wait, ka doh hati ba la thad tyrkhong bad kiwei kiwei ki tiar siat mrad.
La ioh jingtip ruh, ba na ka liang ki pulit ka Umsiang Police Outpost, ki la leit ban shimti ia kitei ki ar ngut ki nongsiar mrad ba la tip kyrteng kum u Qurenius Muktieh (27) na ka shnong Korhadem bad u Jethril Umbah, (32) na ka shnong Pamlatar Ri Bhoi District.
Na ka liang ki bor pulit, hadien ba la shimti noh ia kine ki arngut kiba la suba nongsiat mrad kumjuh ia ki tiar ba la kurup ban phah khmieh bniah katkum na FSL examination ban pynlong ruh ia ka jingtohkit.
Shuh shuh ruh, la ioh khubor, ba kine ki arngut kiba la shah kem ki lah ban donkti ha ka jingiap jong ki ar tylli ki hati ba la pyntip da ki bor ka tnad Forest jong ka Sonapur Range hapoh ka Kamrup East Division, Basistha, Guwahati kaba la jia ha u bnai 16 tarik Naiwieng 2024 bad ha ka 18 tarik Lber 2025.
Na ka liang ki pulit, ki la ujor mukotduma ha Khanapara katkum ka kyndon ain Khanapara PS c/no. 09(03)2025 u/s 325/61(2)/3(5) BNS RW Sec 25(1)/27(1) Arms Act ban pynlong ia ka jingtohkit kaba tikna.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project