Ki shipai iada khappud Border Security Force (BSF) ki la ioh kurup 285 tylli ki dawai pynbuaid Yaba Tablet ha ka thain khappud kaba don ha South Garo Hills district. Hadien bala ioh jingtip, ki BSF kila pynlong ka jingtalasi bad haba wad ha kylleng ki jaka bad kila lap ia kawei ka pla plastik kaba la buhrieh ha uwei u dieng bad haba la khmih la shem ia ki 285 tylli ki dawai Yaba, kiba la thmu ban khaii tuh sha ri Bangladesh.
Ia une u drok uba la ioh kurup, ki BSF kila aiti noh sha ki pulit jongka Gasuapara Police Station. Ha kawei pat ka liang, ki Border Security Force kila ioh kurup 19 tylli ki masi na ka thain khappud jong ka West Jaintia Hills district, dang step phyrngab ha ka sngi Thohdieng.
Ia kitei ki masi la thmu ban khaii be-ain sha Bangladesh bad ki BSF kila aiti noh ia kine ki masi sha ki bor pulit ba kin leh ia kaba donkam.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok