Ka Eulogemene Rilin L Suting ka samla pule jong ka KJP Synod Mihngi Higher Secondary School Jowai ba la ioh rung haka kyrdan Top-20, 3rd Position jong ka result SSLC bala pynbna daka MBOSE hynne ka sngi, haba ai mynsiem iaki pra khynnah skul, ka ong nalor ka jingminot pule kot, dei ban long ruh kiba nang ba siewspah iaka por bad ban ym pynsepei iaka jingstad bala ai u Blei. Bad shwa ban leh ia kino kino ki kam kumjuh shwa ban pule kot nyngkong hi dei ban phai sha u Blei.
“Kumba ong ka ktien u Blei don ka por ia kiei kiei baroh, kumta haba leh ia kiei kiei ruh long kiba nang ban bate iaka por, ka por pule kot, ka por lehkai, ka por ban pyndonkam mobile phone bad kiwei da kaba sngewthuh la kajong ka jong ka bor”. Kyntu ka Eulogemene Rilin L Suting.
Ka Eulogemene Rilin L Suting dei ka khun jong ka kong Rimedian Suting bad u bah Prolin Langshiang kiba shong ba sah ha Chutwakhu Tredeiñlin Jowai. U Vice Principal ka KJP Synod Mihngi Higher Secondary School Jowai u Wanmi Passah ruh u pynpaw ka jingkmen halor ka jingrah nam ka Eulogemene Rilin L Suting iaka skul, namar dei ka khynnah ba baroh ki nonghikai kila khmih lynti iaka ban poi ha kane ka kyrdan.
You may also like
-
Kumno ka L-Carnitine bad Green Tea ka iarap ban pynum ia ka khlein da kaba dih ia ka man la ka sngi
-
T.5 lak shisnem na MHIS, T.2 lak na CM Care ka bai sumar ia kiba pang Bampong
-
Pulom ka jingthmu pynkylla ain jied Waheh shnong ha Sohmynting ka JHADC
-
Phah jingthoh ka GTF sha ka DC ban khang klong shyiap ha Wah Kynshi
-
Shem jingeh ka jylla ban pyniaid shakhmat ka jingpule halor ka AI”