Ka North Liberty Higher Secondary School Jowai kawei naka skul ba ju poi bha shakhmat haki result MBOSE jongka SSLC bad HSSLC mynta ka kynti ruh lyngba ka result SSLC bala pynbna daka MBOSE hynne ka sngi kala ioh rung haka kyrdan ba hakhlieh duh jong ka Jylla ne ka 1st position jong ka thup Top-20 lyngba ka samla Avila Kathrene P Lyngdoh, lem bad arngut kiwei pat ba kynthup u Rahnam Miki Dkhar haka kyrdan 8th position bad u Hamelangsuk Hadem haka kyrdan 17th Position.
Ka Avila Kathrene P Lyngdoh kaba la ioh 1st Position dei ka khun jong i kong Markamni Lyngdoh bad bah Paul Synnah U Rahnam Miki Dkhar bala ioh haka kyrdan 8th position dei u khun jong i kong Theo Dkhar bad Center House Sutnga. Nangta u Hamelangsuk Hadem uba la ioh haka kyrdan 17th Position dei u khun jong i kong Bhalang Hasem bad bah Balabor Rani.
Hadien ba kine ki samla kila pynpaw iaka jingsngew jong ki halor ka result ba kila ioh hynne ka sngi lem bad ki kmie ki kpa, naka liang u Principal jong ka skul u Richard Uriah u ong, ban ioh iaka kyrdan ba hakhlieh duh jong ka Jylla dei ka jingangnud ki Principal jong kano kano ka skul, bad ma u la ioh ia kane ka kyrdan hynne ka sngi kaba dei ruh hadien 25 snem ka jinglong Principal jong u.
You may also like
-
Sdang ka jingrakhe ia ka Jubili Ksiar jong ka Wangala Festival
-
Pan jingkyrshan ki MDC Congress JHADC ia u Vincent H Pala da kaba pyrto ruh iaki kam ka Congress
-
Yn nang kiew ki nongmihkhmat ka HSPDP ha u 2028 : KP Pangiang
-
Bam duh ka ding ba klang ïa ka godown ha Demseiñiong
-
Plie u MLA Ranikor ia ka iingskul thymmai ka Khlur Rit Govt. Skul L.P. School