Ha ka jingjia aksiden kaba la jia mynta ka janmiet ha ka por 4 shiteng eiei, uwei u briew ula khlad noh namar ka jingmynsaw ba jur katba arngut kiwei ki la mynsaw hadien ba kawei ka kali tata Ace ka la kylla khongpong ha surok bah NH-06 ha ka shnong Shangbangla.
Katkum ka khubor na ki Pulit la iathuh, ba ka kali kaba la ngat ha kane ka jingjia ka dei ka Tata Ace kaba don ia ka number AS25EC2365, kaba la wan na Jorabat sha Nongpoh, kaba la pyniaid da u Md. Maqbool Alam, u ba dei na Borkagaon, Muzaffarpur, Bihar hamar ba poi ha katei ka jaka u nongniah um shem la lah ban tehlakam shuh ia ka kali bad ban tynrah ia u divider jong ka surok bah bad kylla khongpong noh.
Ha kane ka jingjia, u nongniah lem bad arngut kiba shong ha kane ka kali ki la mynsaw kiba kynthup ia u Md. Arif (29) na Borkagaon bad u Md. Ezaj Ansari (26) na Bishnpur Keshar, Muzaffarpur bad ka rah marmar sha Nongpoh Civil Hospital, hynrei u Md. Arif u la khlad noh namar ka jingmynsaw kaba kham jur.
Na ka liang ki Pulit ki la pyntip ïa ki bahaïing hasem jong u ba la khlad bad ka jingtohkit kan dang bteng, la pyntip ruh ba u tei u ba la khlad u dei u ba shong hajrong katei ka kali ha ka por ba kylla khongpong katei ka kali.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok