Ka Parents Teachers Association jong ka skul Tome Memorial Higher Secondary School Jowai hynne ka sngi ka la pynkup burom ia arngut ki samla pule kane ka skul kiba la lehbha ha ka result SSLC ka MBOSE ba dang shu dep pynbna shen da kaba ki ioh 80% shaneng, ba kynthup ia u Rebornson Siangshai bad u Arpon Kulu. Ha ka jingialang pynkup burom ba pyniaid da u Chairman ka Parents Teachers Association u Soomeyo SNS Sayoo, la donlang naduh ki longkmie longkpa ki khynnah skul bad kiwei.
Hadien ba la ioh ka jingkren na ki kmie ki kpa kumjuh na kine ki arngut ki khynnah, ka Sister Teresa Paite Principal Tome Memorial Higher Secondary School Jowai shwa ban aiti ia ki momento ka ong, kane ka sngi ka pyni ia ka dak jingtrei shitom kine ki arngut, kumjuh ruh ka jingpoi jong ki sha ka thong kumba ki la pynkhreh, namar haba thrang ban ioh ei ei donkam ban trei shitom.
Naka bynta kine ki arngut ka ong baka skul ka sngew sarong ia ki, kumta ka kitbok kitrwiang ruh ba kin nang lah lehbha shuh shakhmat, da kaba khmih lynti ruh ba kane ka sngi kan long shi bynta ban ai mynsiem ha ka jingpule ba shakhmat jong ki.
You may also like
-
Kumno ka L-Carnitine bad Green Tea ka iarap ban pynum ia ka khlein da kaba dih ia ka man la ka sngi
-
T.5 lak shisnem na MHIS, T.2 lak na CM Care ka bai sumar ia kiba pang Bampong
-
Pulom ka jingthmu pynkylla ain jied Waheh shnong ha Sohmynting ka JHADC
-
Phah jingthoh ka GTF sha ka DC ban khang klong shyiap ha Wah Kynshi
-
Shem jingeh ka jylla ban pyniaid shakhmat ka jingpule halor ka AI”