U Symbud Myntri Rangbah ba khmih iaka tnat Urban Affairs, u Bah Sniawbhalang Dhar u la kyntait ia ka jingkynnoh ba don ka jingpyndonkam bakla ia ka song pisa haba pyntrei ia ka Laitumkhrah Municipal Market. Kane ka wan hadien ba u nongwad RTI u Bah Napoleon Mawphniang u la dawa na ka Sorkar ban phah tohkit da ka Central Bureau of Investigation (CBI) halor ka rukom pyntrei ia ka Laitumkhrah Municipal Market.
Haba kyntait halor ka jingkynnoh pyndonkam bakla iaka song pisa, u Bah Sniawbhalang u la ong “Katkum ka jingtip jong nga kam don kano kano ka jingpyndonkam bapla iaka song pisa”. U Bah Sniawbhalang u la ong ba ka tnat kam lah ban shu pyllait pisa shaki Contractor lada kim pat pyndep iaki kam.
“Lada ka kaiphod RTI ka kdew shisha ba ka don shisha ka jingpyndonkam bakla iaka song pisa, u ta u ba kwah phah tohkit ruh u don hok ban dawa phah tohkit daka CBI” u la ong.
You may also like
-
Ïakhih ki driver bos pyrshah ïa ka sorkar halor ka jaka ïeng kali ha Ïew Mawlong
-
Sdang ka jingrakhe ia ka Jubili Ksiar jong ka Wangala Festival
-
Pan jingkyrshan ki MDC Congress JHADC ia u Vincent H Pala da kaba pyrto ruh iaki kam ka Congress
-
Yn nang kiew ki nongmihkhmat ka HSPDP ha u 2028 : KP Pangiang
-
Bam duh ka ding ba klang ïa ka godown ha Demseiñiong