Ki dukan ha kylleng ka nongbah Shillong hynne ka sngi ki la khang dam kum ka dak ban pynpaw ia ka jingpyrshah ia ka jingshah siat iap 26 ngut ki mynsiem briew ha Pahalgam. Ia kane ka jingkhang dukan, la khot da ka kynhun ki nongkhaii kane ka nongbah Shillong hapoh ka shatri jong ka “Meghalaya Citizens Forum”, khlem da pynbor ia iano iano ruh hynrei da ka mon sngewbha jong ki.
Ha kane ka sngi, la iohi ba ki dukan ha kylleng ki jaka jong ka nongbah Shillong kum ka Iewduh, Khyndailad, Polo kiba dei ki jaka ba ju kham hui hui, ki la kynjah lut na ka jingkhang baroh ki dukan lait noh tang katto katne tylli ki bym treh ban iatreilang ha kane ka jingkhot khang dukan, ka Khyndailad la iohi ba baroh ki dukan ki khang kumjuh kum ka iew Polo.
Uwei na ki nongkitkam ka Meghalaya Citizens Forum u la ong ba kane ka jingkhot ka dei tang ka jingkyrpad khlem pynbor iano iano ruh, bad kiba kwah ban plie ki lah ban plie, kumba long ha ki thain Malki bad katto katne ki bynta jong ka Laitumkhrah.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station