Ka jingialang kaba nyngkong eh jong ka National Committee ka seng National People’s Party (NPP) kaba la long ha ka 24 tarik u Iaiong, kala shim ia ka rai ban pynrem jur ia ka kam thombor ki lehnoh kiba la shim ia ka mynsiem jong ki paidbah hapoh Pahalgam, Jammu & Kashmir.
Katkum ka kyrwoh na u Working President ka NPP u James K Sangma ula pyntip ba ha katei ka jingialang kaba nyngkong eh jong ka National Committee la pyniaid da u President ka seng u Conrad K. Sangma bad kane ka jingialang kala shim ia ki 3 tylli ki rai ha kaba iadei bad ka jingjia jong ka kam thombor hapoh Pahalgam.
Ula pyntip ba la pynlong ia ka jingsngap jar kaba 2 minit kum ka dak ban kynmaw burom ia ki mynsiem kiba la khlad noh bad la buh jingduwai ban ai bor bad jingpyntngen ia kito kiba la duh noh ia la ki bahaiing bahasem.
Kila pynrem jur ruh ia katei ka kam runar kaba la leh pyrshah ia ki riewpaidbah kiba luilui hapoh Pahalgam kaba la jia dang shen bad kila kyntu bad buh jingduwai ban wan phai biang ka jongshongsuk shongshngain.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda