Ka tnad pulit jong ka Ri Bhoi District, ka la bteng biang ia ka prokram ban ia phylliew jingmut bad ki nongialam shnong kumno ban tehlakam ia ki kam sniew, ka jingjyllei u drug bad kiwei kiwei ki jingsniew kiba ktah ruh ia ka shongsuk shongshngain jong ki paidbah nongshong shnong jong ka them Ri Bhoi District. Ia kane ka program ban ia tai bad ki nongialam shnong na ka liang ka tnad pulit ka district la pynlong ha Umroi PIC, ha kaba la lamkhmat ban ai jingshai da u Officer Incharge Bah S. Pakyntein bad kiwei kiwei ki heh ophisar.
Lyngba kane ka program ban ia tai, na ka liang ka tnad pulit ka la ioh ban ai jingshai halor ka jinglong kaba kongsan jong ka Village Defence Party (VDP) bad ka Community Liaison Group (CLG) ban ai ka jingiatreilang bad ki bor pulit na bynta ban rad dyngkhong ia ki kam sniew kiba pynthut ha ka imlang ka sahlang.
Kumba la pyntip, ba ka tnad pulit ka don ia ka jingthmu ban seng noh ia ki VDP bad CLG haman ki Shnong ki thaw hapoh ka 31 tarik Jymmang 2025 bad ki da angnud ba lyngba ka jingiatreilang ki nongialam shnong, ki nongshong shnong yn lah ban rad dyngkhong ia ki kam sniew ba kynthup naduh u drug, ki kam tuh kam thiem, POCSO bad kiwei kiwei.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station