Tyngshaiñ ka Phoebe Dale Nongrum ha Indian National Rally ChampionshipShillong, Naitung : Ka

Phoebe Dale Nongrum, ka nongñiah kali sport bad ka Chairperson jong ka Meghalaya Motorsports Society, ka la iai tyngshaiñ ha Indian motorsports da ki jingjop ba ka la ioh ha u snem 2024 bad iai bteng ban khur jingjop ha u 2025 jong ka Indian National Rally Championship (INRC). Ha ka jingjop ban pynsah kynmaw na ka bynta ki kynthei ha ka Indian motorsport, ka Phoebe ka la ioh khur ia ka khusnam Vice Championship Trophy ha ka INRC Women’s Category 2024.
Haba bteng ia ka jingjop jong ka ha ka INRC Season 2025, ka Phoebe, ryngkat u ba ia ñiah lang (co-driver) u Nash Ross, ki la wan baar ne 2nd Runner-Up kaba ki la pynkut ha ka Round 2 jong ka championship — ka Blueband Sports Rally of Coimbatore, ba la pynlong naduh ka 25 haduh ka 27 tarik u Naitung 2025. Ka la ia shim bynta ruh ha ka INRC 3 Category, ha kaba ka la wan ba 11 napdeng ki 27 tylli ki kali bad pynkut ha ka kyrdan ba 25th overall napdeng ki 57 tylli ki kali.
Ia kane ka rally, la pynlong da ka Coimbatore Auto Sports Club (CASC). Ka jingjop jong ka na kawei ka por sha kawei pat jong ka Phoebe ha ka national rally, ka ai mynsiem bha ia ki pateng bamynta ba kin shit rhem lang ha ka motorsport na Meghalaya bad kumjuh ia ka thain Northeast. Ka jingiaid lynti jong ka ka long ka jingphla haba ia dei bad ka jingkut jingmut, bad ka bor ban mih khmat ha ka Indian motorsport.