wat ha ki bor teknoloji: Justice Aniruddha Bose

Ka National Judicial Academy (NJA) ryngkat ka jingiatreilang bad ka High Court Meghalaya bad ka Meghalaya State Judicial Academy, ki la pynlong ia ka jingialang jong ka East Zone-II Regional Conference halor ka “Advancing Rule of Law through Technology: Challenges and Opportunities”  (P-1464) ha Courtyard Marriott, Shillong. Ha kane ka jingïalang ba ar sngi la wan ban shim bynta da ki Chief Justice bad ki nongbishar na High Court Sikkim, Manipur, Kerala, Kolkata, Guwahati, Bombay, Tripura, Jharkhand bad Meghalaya, along with eminent speakers and legal scholars for various sessions ryngkat ki nongkren ba pawkhmat halor ki ain ki kanon. Ha ka jingkren ai khublei u Justice Soumen Sen, Chief Justice jong ka Meghalaya High ula iaroh ia ka National Judicial Academy ban pynlong ia ka jingialang ha Jylla bad ula ong, ka jingsynshar jong ka ain ka dei ban long  na bynta ki paidbah ka bym shah liang bad ban pyntreikam hok katkum ka ain.U la ban jur ka jingpyniasoh ia ka teknoloji ha ka ain ka kyntiew ia ka jingtreikam kaba shai ha kaba ki paidbah kin shaniah.

U Justice Sen ula kdew ruh ïa ki nongrim ba kongsan ka jinglong halor ka aiñ, ka jingïaryngkat hakhmat ka aiñ, haba phai sha ka teknoloji ka lah ban pynskhem ïa kine ki nongrim lyngba ki rukom pynïaid digital, ki jingshakri aiñ online, bad ki tiar wad bniah ban ïarap da ka AI. Hynrei, ula maham ïa ka jinglong kyrpang ka jingpyndonkam bakla ïa ka AI, ki jingtip bakla lyngba ki lad pathai khubor ki long ki jingma. Haba ai jingkren u Justice Aniruddha Bose, Director ka National Judicial Academy, ula ban jur ïa ka jingdonkam ban kyntiew ïa ka synshar aiñ ryngkat ki bor teknoloji ban khanglad ïa ka “jingïapher jaitbynriew ha ki digital.” U la kdew ka India ka la kiew bha ia ki kor teknoloji ha kylleng ki kyrdan jong ka imlang sahlang.

“Watla ka teknoloji ka kyntiew ïa ka jingtreikam ha ka bishar, ka buh ruh ïa ki jingeh ha kaba pynshisha ïa ki sakhi, namar ba ki jingthoh ba la pynkylla dur ki lah ban long kiba eh ban lap,” ong u nongbishar Bose. U la kdew shuh shuh ba ka jingstad thymmai, watla ka lah ban iarap ia ki kam bishar, hynrei dei ban sngewthuh ia ki rukom treikam”. Ha kane ka sngi la pynkup burom ruh ia u Justice Hamarsan Singh Thangkhiew, Justice W Diengdoh, u Biswadeep Bhattacharjee bad katto katne nongbishar ba la rangbah.