Ka Khasi Students’ Union, Nongmensong Unit ka la ai jingiarap sha ki san ngut ki khynnah samla ba pass ia ka eksam matrik ne SSLC kiba lah kyrshan da ka seng khnang ba kin lah ban bteng ia ka jingpule. Ka KSU Nongmensong ka la ai jingiarap ha ka 5 tarik u Ïaiong bad ka dap ruh da ka jingkmen haba ka la ioh jingtip ba ki khynnah samla ki lah ioh ban kheit ia u soh ka jingjop.
Kum ban shu pynkynmaw, ka Seng ka la sdang ia ka Free Education Camp naduh u snem 2011 bad ka dang ïaid bteng haduh mynta bad ki don 24 ngut ki khynnah skul bad 5 ngut kiba la pyndep ia ka eksamin SSLC. Ha kane ka jingialang lah pynshngaiñ da ka jingdon ryngkat u Samla Shelkitbok Kharbani (Asst. Education Sect. C.E.C) Jeremaiah Pohtmi (President Nongmensong Unit) bad u Banjoplang Dkhar (Organising secretary Shillong Mihngi circle) ryngkat bad ki dhkot.
U President jong ka KSU Nongmensong unit ula pynpaw ia ka jingsngewkmen kaba khraw, ba ka jingjop jong ki khynnah pule ha kane ka eksamin ka dei ruh ka jingjop jong ka seng.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa