Ai jingthoh ka CoMSO sha u CEM GHADC ban sangeh ai Trading Lisence ia ki bar jylla

Ki sengbhalang hapoh ka kynhun jong ka Confederation of Meghalaya Social Organizations (COMSO) hynne ka sngi ki la dorkhas ha u Chief Executive Member (CEM) ka Garo Hills Autonomous District Council (GHADC) u Albinus R Marak ban dawa ban pynsangeh noh mardor ia ka jingai ia ka TNT Licecne sha ki bar Jylla katba ym pat dep ia ka jingpynshisha bha ia ki. Ha ka kyrwoh khubor, ka COMSO kala pyntip ba kala dawa na ka GHADC ba kadei ban pynsangeh noh ïa ka jingai laisen ïa ki nongshong dukan madan ban khanglad ïa ka jingkhaii beaiñ ha surok da ki briew ki bym dei ki trai ri trai muluk bad ban buh ïa ka rukom lum jingthoh kaba ryntih ban tehlakam ia ka jingwan rung ki briew ba nabar sha Jylla, ban buh jingthoh da ki kor digital ia ki Licence bad ki kam khaii, kynthup ka TNT, ki nongshong dukan madan bad ki dukan kaba lah ban ioh peit ki paidbah ha kano kano ka por nalor ban pynieng ia ka TNT Licence Check Gate ha ki jaka rung bad jaka iaid lynti ka khaii ka pateng ha Ri-lum Garo ban lah buddien ia ka khaii ka pateng.

Ka COMSO ka la dawa ruh na ka GHADC ban pynsangeh noh mardor ban ai ia ka Tribal Trading Licences ia ki bar jylla lyngba ka jingiapynbeit Proxy, kaba pynduhjait ia ka jinglong tynrai jong ki jingiada ia ka ioh ka kot jong ki riewlum.  “Ngi dawa ruh ïa ka GHADC ba kan mynjur ïa ka Resolution kaba kyntu ïa ka Sorkar Jylla ba kan rah iakren sha ka Sorkar Pdeng na ka bynta ban pynkylla ïa ka Scheduled Tribes Order, 1950, khnang ban pynbeit ïa ki jingbym ïahap kiba la slem bha bad ban ïada ïa ki jinglong tynrai jong ki jaitbynriew riewlum ba shisha,” la pynpaw ka COMSO.

Nalor kane, kala ban jur ruh ia ka jingdonkam ba ka GHADC kan pynlong kloi noh ia ka dorbar kyrpang jong ka Council ban iakren halor kine ki mat bad ban mynjur da ka Resolution.